- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मुंबई : कोव्हिडवर मात करुन आलेल्या रुग्णांना तसेच हायरिस्क व्यक्तीचे कोव्हिड चाचणीचे अहवाल त्यांना दिले जात नाहीत. त्यामुळे त्यांना त्यांचे कामकाज सुरु करण्यात अडचणी येत असल्याच्या तक्रारी पुढे आल्या आहेत. मात्र,संबंधित व्यक्तीच्या मोबाईल क्रमांकावर त्यांचे अहवाल उपलब्ध करुन दिले जातात. मोबाईल क्रमांक चुकीचा देत असल्याने असे प्रकार होत असल्याची शक्यता आहे. असा दावा पालिका प्रशासनाने केला.
बॅंकेत कर्मचारी असलेल्या एक तरुणीच्या वडिलांना कोव्हिडची बाधा झाली होती. त्यानंतर त्यांच्या घराच्याा इतर सदस्यांची कोव्हिड चाचणी केली असता या तरुणीला कोव्हिडची बाधा झाला असल्याचे निष्पन्न झाले. मात्र,कोव्हिड सदृष्य लक्षणं नसल्याने या तरुणीला कोविड केंद्रात दाखल करण्यात आले. तेथे काही प्राथमिक उपचार केल्यांनतर काही दिवसांनी तीची कोव्हिड चाचणी करण्यात आली. यात तिचा अहवाल नकारात्मक आल्यावर तीला घरी सोडण्यात आले. तील देण्यात आलेल्या डिस्चार्ज पेपरवर आता पर्यंत केलेले उपचार नमुद असून 7 दिवस होम क्वारंटाईन राहाण्याची शिफारस आहे. मात्र, अहवाल नकारात्मक असल्याचा उल्लेख नाही. तर तीच्या घरातील इतर सदस्यांना कोव्हिड केंद्रात क्वारंटाईन करण्यात आले होते. त्यांचीही कोव्हिड चाचणी केली. या चाचणीचे अहवाल नकारात्मक असलेे तरी त्यांना देण्यात आले नाही. असा दावा या कुटूंबाने केला. तर घरातील भाऊ आणि वडीलांचा मोबाईल क्रंमाक पालिकेच्या अधिकाऱ्यांनी घेतला होता. त्याच्या मोबाईलवरही अहवाल आलेला नाही. असेही या कुटूंबाने सांगितले.
पालिका केंद्रात क्वारंटाईन असलेल्या व्यक्तींना घरी पाठवताना त्यांच्या मोबाईल क्रमांकावर अहवाल दिले जातात. काही वेळा दाटीवाटीच्या वस्तीत राहाणाऱ्या हायरिस्क व्यक्तीना अहवाल नकारात्मक असले तरी तत्काऴ घरी पाठवले जात नाही. दाटीवाटीच्या वस्तीमुळे त्यांना पुन्हा बाधा होण्याची शक्यता असता त्यामुळे ही खबरदारी घेतली जाते. मात्र, घरी पाठवताना प्रत्येक व्यक्तीला त्यांंच्या चाचणीचे अहवाल मोबाईलवर उपलब्ध करुन दिले जातात. असे पालिकेचे अतिरिक्त आयुक्त सुरेश ककानी यांनी सांगितले.
---------------------------------------------------------
( संपादन - तुषार सोनवणे )
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.