उल्हासनगरमधील वालधुनी नदीत आढळला अनोळखी महिलेचा मृतदेह

The body of a woman found in Ulhasnagars Waldhun river
The body of a woman found in Ulhasnagars Waldhun river

उल्हासनगर : उल्हासनगरातील वालधुनी नदीत एका 55 वर्षीय महिलेचा मृतदेह आज दुपारी दीड वाजण्याच्या सुमारास मिळाला. पोलिसांनी नागरिकांच्या मदतीने मृतदेह बाहेर काढला असून, मृतदेहाला शवविच्छेदनासाठी शासकीय मध्यवर्ती रुग्णालयात नेण्यात आले.

विविध पूजा होणाऱ्या हिराघाटच्या पुलाखालून एका महिलेचा मृतदेह वाहत बाहेर आल्यावर नागरिकांनी पोलिसांशी संपर्क साधला. पोलिसांनी नागरिकांच्या मदतीने मृतदेह बाहेर काढला. यावेळी हिराघाटच्या पुलावर खूप गर्दी उसळली होती. मृतदेह शवविच्छेदन करण्यासाठी नेण्यात आला आहे. प्रथमदर्शनी पाहिले असता महिलेच्या अंगावर कोणत्याही जखमा किंबहुना संशयित असे काही आढळले नाही. परवा सायंकाळी सोसाट्याच्या वाऱ्यासह मुसळधार पाऊस पडला. तेव्हा ही महिला नदीत पडली असावी, कुणी एखादी महिला मिसिंग झाली आहे काय तशी चौकशी करण्यात येत आहे.

शवविच्छेदन अहवालात काय आहे, याकडेही पोलिसांचे लक्ष लागले आहे. महिलेची ओळख पटली नसल्याने मध्यवर्ती पोलिस ठाण्यात अकस्मात मृत्यूची नोंद करण्यात आली आहे. सहाय्यक पोलिस निरीक्षक अनिल भिसे, उपनिरीक्षक दीपक दाभाडे यांनी ही माहिती दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com