Bhivandi Loksabha Politics: गेल्या अनेक वर्षांपासून भिवंडी लोकसभा काँग्रेस उमेदवार लढवीत असताना महाआघाडीच्या घटक पक्षातून या पारंपरिक उमेदवारीला शह देण्याचे प्रयत्न सुरु आहेत. याची दाखल घेत भिवंडीच्या लोकसभा निवडणुकीसाठी काँग्रेसच्या वरिष्ठ नेत्यांनी चाचपणी करण्यास सुरुवात केली असून त्यानिमित्ताने रांजणोली येथे उद्या बुधवार (२४ जानेवारी) रोजी काँग्रेसच्या कोकण विभागीय पदाधिकाऱ्यांची आढावा बैठक आयोजित केली आहे.
लोकसभा निवडणुकीसाठी देशभरात भाजपा विरोधी महाआघाडी स्थापन झाले असताना भिवंडी लोकसभेसाठी महाआघाडीच्या घटकपक्षांचे वेगवेगळे उमेदवार मतदारांसमोर जाऊ लागले आहेत. त्यामुळे मतदारांसमोर महाआघाडी बाबत संभ्रम निर्माण झाला आहे. भिवंडी लोकसभा हि काँग्रेसची पारंपरिक सीट आहे.
त्यामुळे प्रदेश पदाधिकाऱ्यां पासून ते स्थानिक कार्यकर्त्यांपर्यंत लोकसभेसाठी काँग्रेसने आपला दावा कायम ठेवला आहे. त्यासाठी काँग्रेसचे लोकसभा प्रभारी अनिस अहमद यांनी मोर्चेबांधणी सुरु केली आहे.(Latest Marathi News)
भिवंडीसह लोकसभा मतदारसंघात त्यांच्या बैठक सुरु असून त्यांनी तेलंगणाच्या निवडणुकीत वापरलेला फॉर्मुला वापरण्यात येणार असल्याचे एका औपचारिक बैठकीत सांगितले. आगामी लोकसभा निवडणुकीच्या मार्गदर्शनासाठी आयोजित केलेल्या आढावा बैठकीत काँग्रेसचे महाराष्ट्र प्रभारी तथा केरळचे गृहमंत्री रमेश चेनीथल्ला, प्रदेशाध्यक्ष नानापटोले,विरोधीपक्ष नेते विजय वडेट्टीवार,आमदार अशोक चव्हाण, बाळासाहेब थोरात, पृथ्वीराज चव्हाण,सुशीलकुमार शिंदे आदी मान्यवर उपस्थित राहणार आहेत,अशी माहिती ठाणे जिल्हा ग्रामीण अध्यक्ष दयानंद चोरघे यांनी दिली.(Bhivandi Thane Congress)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
