खडसेंना कोरोनाची लक्षणे, आजच्या ED चौकशीला उपस्थित राहणार की नाही यावर प्रश्नचिन्ह

मुंबई : राष्ट्रवादी काँग्रेसचे नेते एकनाथ खडसेंनी आज चौकशीसाठी हजर राहावं असं समन्स ईडीकडून बजावण्यात आलं आहे. दरम्यान एकनाथ खडसेंना कोरोनाची लक्षणे जाणवत असल्यानं त्यांची कोरोना चाचणी करण्यात आलीय. त्यामुळे आज एकनाथ खडसे ED चौकशीला उपस्थित राहणार की नाही यावर प्रश्नचिन्ह निर्माण झालं आहे.

महत्त्वाची बातमी : "आरोप सिद्ध करा, नाहीतर कायदेशीर कारवाईला सामोरे जाण्यासाठी तयार राहा", संजय राऊत आक्रमक

एकनाथ खडसे यांना कोरोनाची लक्षणे जाणवत आहेत. म्हणून एकनाथ खडसे यांची RT PCR टेस्ट करण्यात आली. दरम्यान अद्याप एकनाथ खडसे यांचे रिपोर्ट्स आलेले नाही. एकनाथ खडसे यांच्या रिपोर्टची अद्याप प्रतीक्षा आहे अशी माहिती रक्षा खडसे यांनी दिली आहे. खडसेंचा कोरोनाबाबतचा रिपोर्ट आल्यानंतर खडसे चौकशीला सामोरे जाणार काही नाही, हे स्पष्ट होईल असंही त्यांनी सांगितलयं.

भोसरी MIDC तील भूखंड व्यवहार प्रकरणात ईडीने त्यांना नोटीस बजावली आहे. या चौकशीला उपस्थित राहण्यासाठी खडसे दोन दिवसांपूर्वी जळगावहून मुंबईला दाखल झाले होते.

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali 

covid 19 symptoms to eknath khadase RTPCR reports awaited question mark on ED enquiry