रमेश कदमांविरोधात अखेर गुन्हा दाखल

रमेश कदमांविरोधात अखेर गुन्हा दाखल

मुंबई - सहायक पोलिस निरीक्षकाला शिवीगाळ केल्याप्रकरणी अखेर आमदार रमेश कदम यांच्याविरोधात नागपाडा पोलिस ठाण्यात शुक्रवारी (ता. 19) रात्री गुन्हा दाखल करण्यात आला. त्यांना अटक करून न्यायालयात हजर केले जाईल, असे पोलिसांनी सांगितले.

लोकशाहीर अण्णा भाऊ साठे आर्थिक विकास महामंडळातील गैरव्यवहारप्रकरणी कदम सध्या न्यायालयीन कोठडीत आहेत. दोन दिवसांपूर्वी त्यांना उपचाराकरिता आर्थर रोड तुरुंगातून जे. जे. रुग्णालयात नेण्यात येत होते. त्या वेळी पोलिसांची गाडी येण्यास उशीर झाल्याने कदम चालत निघाले. सहायक पोलिस निरीक्षक मनोज पवार यांनी कदम यांना थांबण्याची विनंती केली असता त्यांनी त्यांना शिवीगाळ केली. हा प्रकार एका शिपायाने मोबाईलमध्ये चित्रित केला. हा व्हिडिओ सोशल मीडियावरही व्हायरल झाला. या प्रकरणाची चौकशी पूर्ण झाल्यावर कदम यांच्याविरोधात गुन्हा दाखल झाला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com