खारघर : खारघरमधील कोपरा गावात महिलेस बेदम मारहाण करणाऱ्याविरोधात गुन्हा दाखल करण्यात आला आहे. घरकाम करून मुलासह उदरनिर्वाह करणाऱ्या एका तेहतीस वर्षीय महिलेच्या दिव्यांग मुलास शेजारच्या मुलांनी मारहाण केल्याने महिलेने मारहाण केलेल्या कुटुंबाच्या घरी जाऊन मुलांना समज द्यावी, असे सांगितले; मात्र सदर कुटुंबातील मुलगा आणि त्याच्या आईन महिलेलाच मारहाण केली.
यात तिच्या डाव्या डोळ्याला गंभीर दुखापत झाली. याप्रकरणी खारघरमधील काँग्रेसच्या पदाधिकाऱ्यांनी पोलिस अधिकाऱ्यांची भेट घेऊन गुन्हा दाखल करण्याची मागणी केली होती. त्यानुसार पोलिसांनी तक्रार नोंदवून १० दिवसांनी गुन्हा दाखल केला. राजकीय पक्षाच्या कार्यकर्त्याने महिलेस मारहाण करूनही दबावापोटी पोलिस तक्रारीकडे दुर्लक्ष करीत होते; मात्र याबाबत पाठपुरावा केल्यामुळे पोलिसांनी गुन्हा दाखल केल्याचे काँग्रेसच्या कार्यकत्या सारा अहमद यांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.