माथेरानमध्‍ये मातीच्या भांड्यांत चुलीवरचे जेवण

माथेरान : माथेरानमधील महाराष्ट्र पर्यटन विकास महामंडळाच्या रिसॉर्टने कात टाकण्यास सुरुवात केली आहे. येथील खोल्यांमध्ये स्वच्छता ठेऊन सर्व परिसरात विद्युत रोषणाई करण्यात आली आहे. पर्यटकांना सेल्फी स्पॉट, छोटा आडोटोरिम, पर्यटकांसाठी वेगवेगळे खेळ, निरव शांतता झोन तयार करण्यात आला आहे. रिसॉर्टमध्ये पर्यटकांसाठी पारंपरिक मातीच्या भांड्यांमध्ये चुलीवरचे जेवण दिले जाणार आहे.

मोठी बातमी : करोना विषाणूचा एक संशयित रुग्‍ण मुंबईत 

माथेरानमधील महाराष्ट्र पर्यटन विकास महामंडळाच्या रिसॉर्टला हेरिटेज दर्जा आहे. खोल्यांमध्ये लाकडापासून बनविलेले फर्निचर, खोल्यांची आरास पर्यटकांना हमखास आवडते. त्यामुळे पर्यटक येथे आवर्जून राहतात. आता रिसॉर्टमध्ये पर्यटकांना आवडणाऱ्या खाद्यानाची व्यवस्था केली आहे.

पंजाबी, गुजराती, मोघलाई, राजस्थानी जेवणाबरोबरच आता परदेशी जेवणसुद्धा येथे मिळणार आहे. रिसॉर्टमध्ये विशेषत: इटालियन फूडला पर्यटकांकडून मोठ्या प्रमाणात पसंती मिळते. आता महाराष्ट्रीयन पद्धतीचे मातीच्या भांड्यात चुलीवरचे जेवण देण्याचा उपक्रम सुरू केल्याने पर्यटन व्यवसायात वृद्धी होणार आहे.

हेही वाचा... टीएमटीचा प्रवास डिजिटल, बसची माहिती मिळणार एका क्‍लिकवर 

महामंडळाचे व्यवस्थापकीय संचालक अभिमन्यू काळे यांनी कारभार हाती घेतल्यापासून महाराष्ट्रातील रिसॉर्टमध्ये कमालीचे बदल झाले आहेत. माथेरानच्या रिसॉर्टमधील खोल्यांची स्वच्छता, पर्यटकांना सुविधा, त्यांच्या आवडीचे जेवण यांच्यावर विशेष भर देण्यात आला आहे. तसेच स्थानिक पातळीवरील इत्यंभूत माहितीही दिली जाणार आहे 
- अमोल भारती, शाखा व्यवस्थापक, माथेरान.