शरद पवार यांच्या भेटीनंतर धनंजय मुंडे यांची पहिली प्रतिक्रिया

पूजा विचारे
Thursday, 14 January 2021

धनंजय मुंडे यांनी पहिल्यांदा माध्यमांसमोर आपली प्रतिक्रिया दिली आहे. आदरणीय पवार साहेब आणि पक्ष जे ठरवेल ते, असं धनंजय मुंडे म्हणाले. 

मुंबईः  बलात्काराच्या आरोपामुळे वादाच्या भोवऱ्यात सापडलेले सामाजिक न्याय मंत्री धनंजय मुंडेंची सध्या प्रचंड कोंडी झाली आहे. धनंजय मुंडे यांच्या राजीनाम्याची मागणी करण्यात येत आहे. या पार्श्वभूमीवर राष्ट्रवादी काँग्रेसची वाय. वी. चव्हाण येथे बैठक पार पडली. या बैठकीला राष्ट्रवादी काँग्रेसचे अध्यक्ष शरद पवार यांच्यासह पक्षाचे नेते उपस्थित होते. बैठकीनंतर धनंजय मुंडे प्रकरणावर राष्ट्रवादी काँग्रेस पक्षाचे अध्यक्ष शरद पवार यांनी पहिली अधिकृत प्रतिक्रिया दिली. 

सकाळी पहाटे चित्रकूट बंगल्यावर पोहोचलेले धनंजय मुंडे राष्ट्रवादी काँग्रेसच्या कार्यालयात जनता दरबारसाठी पोहोचले. त्यावेळी कार्यालयाच्या बाहेर धनंजय मुंडे यांनी पहिल्यांदा माध्यमांसमोर आपली प्रतिक्रिया दिली आहे. आदरणीय पवार साहेब आणि पक्ष जे ठरवेल ते, असं धनंजय मुंडे म्हणाले. 

मुंबई विभागातल्या ताज्या बातम्या वाचण्यासाठी येथे क्लिक करा.

आदरणीय शरद पवार आणि पक्ष नेतृत्व विचार करुन निर्णय घेतील. याबाबत मी स्वतः शरद पवार यांना भेटलो आहे. त्यांना स्पष्टीकरण दिलं आहे. सर्व सविस्तर माहिती दिली आहे. तसंच या प्रकरणाची सर्व माहिती मी प्रसारमाध्यमांना दिली आहे, असं धनंजय मुंडे यांनी म्हटलं आहे. 

सध्या धनंजय मुंडे हे जनता दरबारासाठी राष्ट्रवादीच्या प्रदेश कार्यालयात दाखल झाले आहेत. तर आता शरद पवार आणि राष्ट्रवादी काँग्रेसचे राष्ट्रीय प्रवक्ते प्रफुल्ल पटेल यांच्यात सिल्व्हर ओक बंगल्यावर बैठक सुरु झाली आहे. तर जनता दरबार संपल्यानंतर ते जयंत पाटील यांचीही भेट घेणार आहेत. 

हेही वाचा- आधी बायकोला प्रेमानं शेवटचं 'Hug', मग दिलं लोकलमधून ढकलून

Dhananjay Munde first reaction after Sharad Pawar meet


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Dhananjay Munde first reaction after Sharad Pawar meet