shivsena-bjp
shivsena-bjp

श्रेयवादावरून सेना-भाजपमध्‍ये धुसफूस 

मुंबई - विविध मेट्रो प्रकल्पांच्या भूमिपूजनासाठी पंतप्रधान नरेंद्र मोदी आज मुंबई दौऱ्यावर आले होते. या कार्यक्रमाच्या निमंत्रण पत्रिकेत महापौर विश्‍वनाथ महाडेश्‍वरांचे नाव छापले नाही. शिवसेना-भाजप युतीत वरकरणी आलबेल असल्याचे दाखवण्यात येत असले, तरी विधानसभा निवडणुकीच्या पार्श्‍वभूमीवर भूमिपूजनाच्या कार्यक्रमांचे श्रेय घेण्यासाठी भाजपने हा प्रकार केल्याची कुजबुज सुरू होती. 

एमएमआरडीएने प्रसिद्ध केलेल्या निमंत्रण पत्रिकेत शिवसेना पक्षप्रमुख उद्धव ठाकरे वगळता एकाही शिवसेना लोकप्रतिनिधीचे नाव नसल्याने शिवसेनेचे खासदार राहुल शेवाळे यांनी नाराजी व्यक्त केली. हा प्रकार नजरचुकीने झाला असून चूक मान्य करत असल्याचे एमएमआरडीएचे आयुक्त आर. ए. राजीव यांनी सांगितले. दरम्यान, एमएमआरडीएचे वरिष्ठ अधिकारी आणि मुद्रितशोधकांनी ही निमंत्रण पत्रिका तपासली नव्हती का, असा सवालही उपस्थित केला जात होता. याबाबत एमएमआरडीएच्या आयुक्तांनी दिलगिरी व्यक्त केल्यानंतर खासदार शेवाळे कार्यक्रमाला उपस्थित राहिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com