कोरोनापाठोपाठ आता या संकटामुळे तलासरी, डहाणूकर हवालदिल

तलासरी : कोरोना विषाणूचा प्रादुर्भाव वाढू नये यासाठी केलेल्या लॉकडाऊनमुळे सध्या सर्वच नागरिक घरात आहेत; मात्र असे असताना पालघर जिल्ह्यातील डहाणू, तलासरी परिसरात बुधवारी रात्री ११ वाजण्याच्या सुमारास पुन्हा भूकंपाचे धक्के बसल्याने येथील नागरिकांमध्ये भीतीचे वातावरण आहे. त्यामुळे आता नक्की घरात राहावे की बाहेर, अशा द्विधावस्थेत येथील लोक असल्याचे चित्र आहे.

धक्कादायक! अत्यावश्यक सेवेतील कर्मचाऱ्यांचीच सुरक्षा धोक्यात

पालघर जिल्ह्यातील डहाणू, तलासरी, कासा, चारोटी आणि बोईसरपर्यंतचा परिसर बुधवारी रात्री पुन्हा एकदा भूकंपाने हादरला. डहाणू तलासरी भागांमध्ये गेल्या दोन वर्षांपासून सातत्याने भूकंपाचे धक्के जाणवत असून भूकंपाचे सौम्य आणि मध्यम स्वरूपाचे हजारो धक्के आतापर्यंत या परिसराला बसले आहेत. त्यामुळे येथील नागरिकांमध्ये कमालीचे भीतीचे वातावरण आहे. 

...म्हणून लॉकडाऊन काळात हैराण झालेत महाराष्ट्राचे गृहमंत्री अनिल देशमुख

बुधवारी रात्री ११.१९ वाजता पहिला धक्का बसल्यानंतर एकापाठोपाठ एकदोन भूकंपाचे धक्के पुन्हा या परिसरात बसले. यामध्ये ११.३९ वाजता बसलेल्या भूकंपाच्या धक्‍क्‍याची तीव्रता ३.० मॅग्नेट्यूड क्षमतेची नोंदवली गेली. पालघर जिल्ह्यातील बोईसर, सातपाटी, चारोटी, कासा, डहाणू, धुंदलवाडी, दापचरी, तलासरी इत्यादी परिसरात भूकंपाचे धक्के जाणवल्याची माहिती नागरिकांकडून समोर आली आहे.

Double crisis on the Talasari, Dahanukars