मुंबईत तिसऱ्या दिवशीही सीएनजी पुरवठ्यावर परिणाम

मुंबई - सीएनजीच्या पाइपलाइनमध्ये शुक्रवारी तांत्रिक बिघाड झाल्याने सीएनजीचा पुरवठा करणारे सहापेक्षा अधिक पंप बंद करण्यात आले होते. संबंधित बिघाड अद्यापही दुरुस्त न झाल्याने सीएनजीची सेवा पूर्वपदावर आलेली नाही. परिणामी, सीएनजी टॅक्‍सीचालकांना; तसेच रिक्षाचालकांना याचा फटका बसला असून, प्रवाशांचेही त्यामुळे हाल होत आहेत.  

उरण येथील ओएनजीसी गॅसप्रक्रिया केंद्रात झालेल्या तांत्रिक बिघाडामुळे शुक्रवारी (ता.१६) सहा पंप बंद करण्यात आले होते. याचा परिणाम इतर १३३ पंपांवरसुद्धा दिसून आला.