अखेर गणेशपुरी तीर्थक्षेत्रातील रस्ते होणार सिमेंटचे

वज्रेश्वरी - भिवंडी तालुक्यातील नामांकित असलेले व वज्रेश्वरी देवी व नित्यानंद स्वामींच्या नावाने ओळखल्या जाणाऱ्या वज्रेश्वरी, गणेशपुरी या तीर्थक्षेत्रामधील अंतर्गत रस्ते गेल्या कित्येक वर्षे पासून अतिशय खराब होते. दुर्लक्षित करण्यात आले होते. मात्र खासदार कपिल पाटील यांच्या प्रयत्नने एम.एम.आर.डी.ए. मधून 13 कोटी 96 लाख रुपये मंजूर करून येथील भिवाळी, गणेशपुरी, वज्रेश्वरी व अकलोली या अंतर्गत रस्त्याचे आज भूमिपूजन करण्यात आले.

गणेशपुरी येथील शिवाजी चौक ते नित्यानंद महाराज समाधी मंदिर हा रस्ता गेली कित्येक वर्षांपासून खड्डेमय व दुरावस्थेत होता. त्यामुळे येथे येनाऱ्या भाविकांना खूप हालअपेष्टा करून येथील विविध सण, व बाबांचे कार्यक्रम साजरे करीत होते, त्यातच बाबांचे गुजरात (अहमदाबाद) येथील स्वामी नित्यानंदाचे निस्सीम भक्त गोविंद परमार हे या समस्ये ला वैतागून त्यांनी पंतप्रधान नरेंद्र मोदी यांच्या भावास भेटून व त्यांच्या मार्फत मुख्यमंत्री देवेंद्र फडणविस यांना ही बाब लक्षात आणून खासदार मार्फत गणेशपुरी येथील तसेच वज्रेश्वरी, अकलोली या परिसरातील रस्ते समस्या कायम स्वरूपी मिटवण्यासाठी सिमेंट रस्ते एम. एम. आर. डी. ए. च्या माध्यमातून मंजूर करून दिले, आज या रसत्याचे उदघाटन येथील शिवाजी चौक या ठिकाणी भिवंडी लोकसभे चे खासदार कपिल पाटील यांच्या हस्ते करण्यात आले, यावेळी भाजपचे येथील पदाधिकारी जगनाथ पाटील, शांताराम पाटील, उप सरपंच विनोद पाटील, पी के म्हत्रे, सुभाष पाटील, किशोर पाटील, पंचायत समितीचे सभापती रविना जाधव, रवी जाधव गणेशपुरीचे सरपंच गोवर्धन भोईर, रामचारण नाईक, दिनेश पाटील, नारायण पाटील आदी सह मोठया संख्येने कार्यकर्ते उपस्थित होते. 

दरम्यान यावेळी आपले मनोगत व्यक्त करताना पाटील यांनी येथील तीर्थक्षेत्र साठी लवकरच पाणी फिल्टर प्लांट, व येथील तीर्थक्षेत्र ब वर्गात घेणार असल्याचे सांगून या परिसराच्या विकासासाठी मोठा निधी उपलब्ध करून देण्याचे आश्वासन दिले
.