कचरावेचक बनले जीवरक्षक 

मुंबई : केसरबाई इमारत दुर्घटनेनंतर चिंचोळ्या रस्त्यांमुळे मदतकार्य करण्यात मोठे अडथळे येत आहेत. परिणामी जेसीबीऐवजी मानवी बळ वापरून ढिगारे उपसावे लागत आहेत. त्यासाठी मुंबई महापालिकेच्या कचरावेचकांची मदत घेण्यात येत आहे. 

महापालिकेच्या ए आणि बी वॉर्डातील कचरा उचलणाऱ्या कंत्राटी कामगारांना घटनास्थळी बोलावण्यात आले आहे. त्यांच्यामार्फत ढिगारे उपसण्याचे काम सुरू करण्यात आले आहे. त्यांच्या मदतीने वेगाने बचावकार्य सुरू आहे.