महामार्गावर खड्डे बुजवण्याला वेग

महामार्गावर खड्डे बुजवण्याला वेग

नवी मुंबई - पावसाने घेतलेल्या विश्रांतीचा सार्वजनिक बांधकाम विभागाने पुरेपूर फायदा घेत बुधवारी दिवसभर शीव-पनवेल महामार्गावर खड्डे बुजवण्याचे काम केले. खड्डे पडलेल्या ठिकाणी खडी व ग्रीटचा वापर करून खड्डे बुजवण्याचे काम बांधकाम विभागातर्फे करण्यात आले. काही ठिकाणी खोल खड्डे बुजवण्यासाठी पेव्हर ब्लॉकचा वापर करण्यात आला.

बुधवारी बकरी ईदच्या सुट्टीमुळे रस्त्यावरील कमी वर्दळ व पावसाने विश्रांती घेतल्यामुळे सार्वजनिक बांधकाम विभागाला अनेक ठिकाणी खड्डे बुजवण्याचे काम करता आले. मुंबईकडे जाणाऱ्या दिशेने कामोठे येथील उड्डाणपुलाखाली, कोपरा उड्डाणपूल, सीबीडी-बेलापूर उड्डाणपूल, सीबीडी खिंड, नेरूळ, जुईनगर, सानपाडा, वाशी सिग्नल व वाशी टोल नाका परिसरादरम्यान खडी टाकून खड्डे बुजवण्याचा प्रयत्न केला.

कोंडी कायम
सानपाडा उड्डाणपुलाजवळ व सीबीडी खिंडीत मोठे खड्डे पडल्यामुळे पेव्हर ब्लॉकच्या मदतीने खड्डे बुजवण्याचे काम करण्यात आले. खड्डे बुजवण्याचे काम सुरू असल्यामुळे काही ठिकाणी वाहनांच्या रांगा लागल्या होत्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com