केडीएमसीचा धोकादायक इमारतींवर हातोडा 

गिरी इमारतीवर सुरू असलेली कारवाई.
गिरी इमारतीवर सुरू असलेली कारवाई.

कल्याण : कल्याण-डोंबिवली महापालिकेतर्फे कल्याण पश्‍चिमेकडील 38 वर्ष जुन्या गिरी या अतिधोकादायक इमारतीवर कारवाईला सुरुवात करण्यात आली. 26 जुलै रोजी या इमारतीचा जिना कोसळला होता. सुदैवाने यात कोणतीही जीवितहानी झाली नसली तरी शहरातील धोकादायक इमारतींचा प्रश्‍न ऐरणीवर आला होता. 

मुरबाड रोडवरील गिरी बिल्डींग एक दोन मजली आणि तीन मजली अशा दोन इमारती पालिकेने अति धोकादायक जाहीर केली होती. मात्र तेथील दुकानदारांनी न्यायालयामधून स्थगिती आणल्याने पालिकेला कारवाई करता येत नव्हती. धोकादायक इमारतीचे छायाचित्र, राज्य सरकारचा आदेश आणि उच्च न्यायालयाने दिलेले आदेश याच्या प्रती, त्यासोबत शपथपत्र प्रभाग क्षेत्र अधिकारी सुहास गुप्ते यांनी कल्याण न्यायालयात सादर केले होते. न्यायालयाने स्थगिती उठवून कारवाई करण्याचे आदेश देताच सुहास गुप्ते यांनी पोलिस बंदोबस्तामध्ये कारवाईला सुरुवात केली. 

भाडेकरू आणि मालक वाद 
पालिका हद्दीत 188 अतिधोकादायक इमारत आणि 282 धोकादायक अशा एकूण 470 इमारती आहेत. अनेक ठिकाणी भाडेकरू आणि मालक यांच्या वाद असल्याने नागरिकांचे जीव टांगणीला लागले आहेत. अनेक ठिकाणी भाडेकरू आणि मालकांनी "त्या' इमारतीवर न्यायालयामधून स्थगिती घेतल्याने पालिकेला ही कारवाई करण्यास तांत्रिक अडचणी येत आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com