महाविकास आघाडीच्या नेत्यांनी घेतली राज्यपाल कोश्यारी यांची भेट, आता

मुंबई, ता. 28: राज्याचे उपमुख्यमंत्री अजित पवार आणि महाविकास आघाडीतील तिन्ही पक्षाच्या नेत्यांनी  राज्यपाल भगत सिंह कोश्यारी यांची आज भेट घेतली. विधान परिषदेच्या 2 रिक्त जागांपैकी एका जागेवर मुख्यमंत्री  उद्धवजी ठाकरे यांची नियुक्ती करण्यात यावी, अशी मंत्री मंडळाची शिफारस त्यांनी राज्यपालांकडे केली आहे.

राज्य सरकार सध्या कोरोनाविरोधात लढा देत आहे. आमच्या सर्वांसह संपूर्ण यंत्रणा या लढ्यात सहभागी झाली आहे. काल मंत्रिमंडळाच्या बैठकीत झालेल्या निर्णयानुसार आज पुन्हा  विधान परिषदेच्या जागेबाबत मंत्रीमंडळ ठरावाचे पत्र महाविकास आघाडीच्या नेत्यांनी  राज्यपाल यांना सुपूर्द केले.

कोरोना विषाणूचा नवा 'A2a' अवतार समोर; येत्या काळात अधिक घातक ठरू शकतो कोरोना...

ठाकरे यांनी मुख्यमंत्री पदाची शपथ घेतल्यानंतर त्यांना सहा महिन्याच्या आत विधीमंडाळाच्या दोन्ही समगृहापैकी कोणत्याही एका सभागृहाचे सदस्य होणे संविधानातील तरतुदीनुसार बंधनकरक आहे.यानुसार ठाकरे यांना 27 मे पर्यत आमदार होणे बंधनकारक आहे.

यावेळी काँग्रेसचे मंत्री बाळासाहेब थोरात, अस्लम शेख,राष्ट्रवादी काँग्रेसचे छगन भुजबळ, जयंत पाटील तर शिवसेनेचे एकनाथ शिंदे, अनिल परब उपस्थित होते.

leaders of mahavikas aaghadi met governor bhagatsingh koshyai