Lockdown : सोशल डिस्टन्सिंग धाब्यावर अन् त्याचा फटका पोलिसांना

सकाळ वृत्तसेवा
मंगळवार, 19 मे 2020

कोरोना रोखण्यासाठी सातत्याने एकमेकांपासून सुरक्षित अंतर ठेवण्याचे आवाहन केले जात आहे, मात्र त्याचे पालन होत नाही आणि गर्दी केलेल्या लोकांना पांगवण्याची जबाबदारी पोलिसांवर येते, त्यामुळे पोलिसांचे काम जास्तीत जास्त खडतर तसेच धोकादायकही होत आहे.

मुंबई : कोरोना रोखण्यासाठी सातत्याने एकमेकांपासून सुरक्षित अंतर ठेवण्याचे आवाहन केले जात आहे, मात्र त्याचे पालन होत नाही आणि गर्दी केलेल्या लोकांना पांगवण्याची जबाबदारी पोलिसांवर येते, त्यामुळे पोलिसांचे काम जास्तीत जास्त खडतर तसेच धोकादायकही होत आहे.

नक्की वाचा : गुड न्यूज आली,  कोरोना संक्रमित मातांकडून 203 सुखरूप बाळांचा जन्म

मुंबईत आत्तापर्यंत जवळपास साडेसहाशे पोलिसांना कोरोनाची लागण झाली. त्यातील 93 जण त्यातून बरे झाले आहेत. कोरोनाबाधित पोलिसांची आकडेवारी बघितल्यास त्यातील सर्वाधिक बाधा दक्षिण तसेच मध्य मुंबईत झाली आहे. एकमेकांपासून सुरक्षित अंतर लोकांनी राखावे याची जबाबदारी पोलिसांवर आहे. हे काम करण्यासाठीच त्यांना लोकांनजिक जाणे भाग पडत आहे. मुंबईतील सर्वाधिक बाधा जेजे मार्ग पोलिस ठाण्यातील नियुक्त 46 जणांना बाधा झाली. त्याखालोखाल सहार पोलिस ठाणे (26) आहे. धारावी (19), वडाळा (17), पायधुणी (13), निर्मल नगर (14), वाकोला (12) येथील संख्याही लक्षणीय आहे. 

हे वाचा : 'त्या' व्हिडिओवरुन काँग्रेस प्रवक्ते सचिन सावंत यांचा भाजपवर हल्लाबोल

एकमेकांपासून सुरक्षित अंतर राखण्याचे पालन लोकांकडून होत नाही. ते मोठ्या संख्येने घराबाहेर पडतात. त्यामुळे त्यांच्याच नव्हे तर इतरांच्या जीवालाही धोका होतो. गर्दी झाल्यावर पोलिसांना तिथे जावे लागते. यावेळी जास्त संपर्क येतो. स्थलांतरीतांनी रस्त्यावर गर्दी केली, त्यावेळीही त्यांना तेथून हटवताना संपर्क आला, याकडे पोलिस आधिकारी लक्ष वेधतात. केवळ सुरक्षित अंतराचे पालन केल्यामुळेच हे घडले असे नाही, तर गुन्हेगारांमुळेही पोलिसांना लागण झाली आहे. आरोपीला पकडल्यावर त्याची तपासणी होते, त्याला कोरोना झाल्याचे लक्षात येते, त्याच्यामुळे पोलिसांना लागण झाली आहे, याकडेही आधिकाऱ्यांनी लक्ष वेधले. 

हे ही वाचा : अप्रतिम ! लॉकडाऊनमध्ये जोपासला अनोखा छंद, पक्षांच्या पिसांवर कोरलेली कलाकृती थक्क करणारी

स्पेशल ब्रँचमधील आधिकारीही कोरोनापासून सुटलेले नाहीत. त्यांनाही मुंबईत नियमांचे पालन करण्याची जबाबदारी देण्यात आली आहे. सशस्त्र पोलिस दलातील (armed police), 134 जण बाधित आहेत, तर सुरक्षा विभागातील (protection and security department) 20, गुन्हे अन्वेषण विभागातील (crime branch) 11, शीघ्र कृती दलातील (quick responce teams) 12 आणि वाहतूक विभागातील (motor transport department) 16 जणांना बांधा झाली आहे.

Lockdown: The final blow to the police on the social distance


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Lockdown: The final blow to the police on the social distance