महाविकास आघाडी सरकारच्या काळात राज्यात आली २ लाख कोटींची गुंतवणूक : मुख्यमंत्री

महाविकास आघाडी सरकारच्या काळात राज्यात आली २ लाख कोटींची गुंतवणूक : मुख्यमंत्री

मुंबई : मुंबईत आज मॅग्नेटिक महाराष्ट्र कार्यक्रम पार पडला. या कार्यक्रमात महाराष्ट्राचे मुख्यमंत्री देखील उपस्थित होते. या बैठकीत महाराष्ट्राचे मुख्यमंत्री उद्धव ठाकरे यांनी उपस्थितांना संबोधित केलं. महाराष्ट्र सरकार हे कायम गुंतवणूकदार आणि उद्योजनसोबत खंबीरपणे उभं राहील असा विश्वास महाराष्ट्राचे मुख्यमंत्री उद्धव ठाकरे यांनी यावेळी दिला. या कार्यक्रमात महाराष्ट्राचे उद्योग मंत्री सुभाष देसाई आणि अनेक गुंतवणूकदार उपस्थित होते.

महाराष्ट्रात कोविड काळात प्रचंड मोठी गुंतवणूक आली असून आपले राज्य हे सुपर मॅग्नेटिक पॉवर असल्याचा अभिमान मुख्यमंत्री उध्दव ठाकरे यांनी व्यक्त केला. विविध क्षेत्रात काम करणारे उद्योजक हे महाराष्ट्र परिवाराचे सदस्य आहेत. जग कोरोनासंकटाचा सामना करत असताना आपल्या मंडळींनी विश्वास टाकून जी गुंतवणूक केली आहे. त्याबद्दल कृतज्ञता व्यक्त करीत आपली मंडळी बरोबर असली की हत्तींचे बळ मिळते अशी भावनाही त्यांनी व्यक्त केली.

एक वर्षात म्हणजेच, महाविकास आघाडी सरकारच्या काळात २ लाख कोटींची गुंतवणूक राज्यात आली. त्यातील १ लाख १२ हजार कोटींची गुंतवणूक कोरोनाकाळातील आहे. महाराष्ट्राच्या या कामगिरीकडे संपूर्ण देश एक उदाहरण म्हणून बघेल, असेही उध्दव ठाकरे म्हणाले. राज्यावर विश्वास दाखवत जी गुंतवणूक येथे झाली त्याबद्दल उद्योजकांचे मनापासून आभार मानायची गरज आहे.

उद्योगमंत्री सुभाष देसाई यांनी प्रत्येक उद्योजकाशी एक उद्योगमित्र जोडून दिला हे अत्यंत अभिनंदनीय पाउल आहे. मंत्री, अधिकारी आणि कर्मचारी जी कामे  करत आहेत याबद्दल आभार व्यक्त करत राज्य आणि देशाप्रतीची निष्ठा अत्यंत महत्वाची असल्याचेही त्यांनी नमूद केले. या वेळी परस्पर सामंजस्य करारावर स्वाक्षर्या करण्यात आल्या.

2050 मध्येही मुख्यमंत्री म्हणून बोलावलं तर मी नाही कसं म्हणणार?

यावेळी बोलताना उद्धव ठाकरे म्हणालेत की, “काही लोकांनी मला उद्घाटनाला बोलावलं. तुम्ही मला 2021, 2022 आणि 2050 मध्येही मुख्यमंत्री म्हणून बोलावलं तर मी नाही कसं म्हणणार?” असं वक्तव्य केलंय. दरम्यान हा विनोदाचा भाग आहे असं देखील त्यांनी म्हटलं. 

सामंजस्य करारामध्ये खालील कंपन्यांचा समावेश : 

  1. एक्साईड इन्डस्ट्रीज, भारत बॅटरी मॅन्युफॅक्चरिंग, (500 कोटी गुंतवणूक 1000 रोजगार निर्मिती)
  2. श्रीधर कॅाटसाइन वस्त्रोद्योग, (369 कोटी गुंतवणूक,520 रोजगार निर्मिती) 
  3. ज्युबिलन्ट फूड वर्क्स, अन्नप्रक्रिया (150 कोटी गुंतवणूक, 400 रोजगार निर्मिती
  4. जेएसडब्ल्यू स्टील, स्टील 20 कोटी 3000 रोजगार निर्मिती,
  5. गोयल गंगा, आयटी पार्क 1000 कोटी गुंतवणूक,10 हजार रोजगार निर्मिती
  6. जी जी मेट्रोपॉलिस, आयटी पार्क 1500 कोटी गुंतवणूक 15 हजार रोजगार निर्मिती
  7. सेंच्युर फार्मास्युटिकल लिमिटेड, फार्मासिटीकल 300 कोटी गुंतवणूक, 1500 रोजगार निमिर्ती
  8. ग्रँव्हिस भारत,अन्नप्रक्रिया 75 कोटींची गुंतवणूक 100 रोजगार निर्मिती
  9. के. रहेजा, माहिती तंत्रज्ञान 7 हजार 500 कोटी गुंतवणूक 70 हजार रोजगार निर्मिती
  10. इंडियन कॉर्पोरेशन लॉजिस्टीक,11049.5 कोटी गुंतवूणक  75 हजार रोजगार निर्मिती
  11. बजाज ऑटो ऑटो अँड ऑटो कंपोनंट, 650 कोटी गुंतवूणक  2500 रोजगार निर्मिती
  12. सुमेरू पॉलिस्टर एलएलपी, वस्त्रोद्योग 425 कोटी गुंतवूणक 500 रोजगार निर्मिती
  13. नवापूर इंडस्ट्रीयल पार्क एलएलपी, इंडस्ट्रीयल इन्फ्रास्ट्रक्चर 200 कोटी गुंतवणूक, 100 रोजगार निर्मिती
  14. कीर्तीकुमार स्टील उद्योग, स्टील उत्पादन 7 हजार 500  कोटी गुंतवणक, 60 हजार रोजगार निर्मिती,
  15. इन्स्पायर इन्फ्रा (औरंगाबाद) लि. इंटिग्रेटेड इंडस्ट्रियल एरिया 7 हजार 500 कोटी गुंतवणूक 10 रोजगार निर्मिती
  16. जेनक्रेस्ट बायो प्रॉडक्ट,  वस्त्रोद्योग 500  कोटी गुंतवणूक 500 रोजगार निर्मिती
  17. मलक स्पेशालिटीज, केमिकल 45.56 कोटी गुंतवणूक 60 रोजगार निर्मिती
  18. अम्बर एन्टरप्रायझेस इंडिया लि.मॅन्युफॅक्चरिंग  100 कोटी गुंतवणूक, 220 रोजगार निर्मिती
  19. ग्रॅंड हॅण्डलूम फर्निचर प्रा. लि.वस्त्रोद्योग 106 कोटी गुंतवणूक 210 रोजगार निर्मिती
  20. अॅम्पस  फार्मटेक्स इंडस्ट्रीज, इंजिनिअरींग 104 कोटी गुंतवणूक, 220 रोजगार निर्मिती
  21. क्लिन सायन्स ऍण्ड टेक्नॉलॉजी प्रा.  लि., केमिकल 132.4 कोटी गुंतवणूक 750 रोजगार निर्मिती
  22. सोनाई इडेबल इंडिया प्रा लि. अन्न, खाद्य तेल रिफायनरी 189.57 कोटी गुंतवणूक 300 रोजगार निर्मिती
  23. सुनील प्लास्टिक इंडस्ट्रीज, डेव्हलपर 10 कोटी गुंतवणूक 500 रोजगार निर्मिती
  24. रिन्युसिस इंडिया प्रा लि, तरिन्युएबल एनर्जी 500 कोटी गुंतवणूक 1500 रोजगार निर्मिती,
  25. हरमन फिनोकेम, केमिकल 536.5 कोटी गुंतवणूक 1500 रोजगार निर्मिती

magnetic maharashtra event in detail report what CM maharashtra spoke in this event

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com