राज्यात महायुतीला 220 हुन अधिक जागांवर विजय मिळेल : खासदार राहुल शेवाळे

मुंबई : दक्षिण-मध्य मुंबईचे खासदार राहुल शेवाळे यांनी, मानखुर्द येथील मतदान केंद्रावर जाऊन आपला मतदानाचा हक्क बजावला. यावेळी शेवाळे यांच्या पत्नी नगरसेविका कामिनी राहुल शेवाळे यांनीही मतदान केले.

"राज्यात शिवसेना-भाजप महायुतीला 220 हुन अधिक जागांवर विजय मिळेल आणि वरळी विधानसभा मतदारसंघात, शिवसेना नेते-युवसेनापप्रमुख आदित्य ठाकरे हे विक्रमी मताधिक्याने विजयी होतील" असा विश्वास यावेळी खासदार राहुल शेवाळे यांनी व्यक्त केला. 

खासदार शेवाळे यांनी ज्या अणुशक्तीनगर विधानसभा मतदारसंघात मतदान केले, त्याठिकाणी पुन्हा एकदा महायुतीचे उमेदवार तुकाराम काते विजयी होतील, असा विश्वास खासदार शेवाळे यांनी व्यक्त केला. तसेच, आज लोकशाहीचा मोठा उत्सव असून या उत्सवात सहभागी होऊन मोठ्या संख्येने मतदान करण्याचे आवाहन शेवाळे यांनी जनतेला केले.