मेरे भाई को जन्नत नसीब हुई; मुस्तफा डोसाची बहीण 

Relatives of Mustafa Dossa
Relatives of Mustafa Dossa

मुंबई : 'सरकार तो उसे मारनेपर तुली थी.. कोर्ट उसे क्‍या सजा देग; अल्लाहने उसे इन्साफ दिया; मेरे भाई को जन्नत नसीब हुई' असा आक्रोश मुंबई बॉम्बस्फोट खटल्यातील आरोपी मुस्तफा डोसाच्या नातेवाईकांनी केला. हृदयविकाराच्या झटक्याने डोसाचा आज (मंगळवार) जे. जे. रुग्णालयात मृत्यू झाला. 

छातीत दुखत असल्याची तक्रार डोसा याने केल्याने त्याला रुग्णालयात दाखल करण्यात आले होते. चौथ्या मजल्यावरील अतिदक्षता विभागात त्याच्यावर उपचार सुरू होते. मूळ आग्रिपाडा येथील निवासी असलेल्या डोसाच्या मृत्यूची बातमी कळताच त्याचे नातेवाईक मोठ्या संख्येने रुग्णालयात आले होते. 

'मेरे भाई को जन्नत नसीब हुई' असे म्हणत डोसाच्या बहिणीने अन्य नातेवाईक महिलांना मिठी मारली. 'कोर्ट उसे क्‍या सजा देता, अल्लाहने उसे इन्साफ दिया.. सरकार तो उसे मारनेपर तुली थी' असा आरोप करत ती रुग्णालयाबाहेर आली. या महिलांना नंतर टॅक्‍सीतून घरी पाठविण्यात आले. 

या रुग्णालयाबाहेर अतिरिक्त पोलिस आयुक्त प्रवीण पडवळ, उपायुक्त डॉ. मनोजकुमार शर्मा, सहाय्यक आयुक्त पोटे आणि जे. जे. मार्ग पोलिस, डोंगरी पोलिस यांच्यासह अतिरिक्त पोलिस बंदोबस्तही ठेवण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com