उद्या तिन्ही मार्गावर मेगाब्लॉक 

 उद्या तिन्ही मार्गावर मेगाब्लॉक 

मुंबई : रेल्वेच्या मार्गावर रेल्वे रुळांची दुरुस्ती आणि तांत्रिक कामांसाठी रविवारी, 20 ऑक्‍टोबर रोजी रेल्वेच्या तिन्ही मार्गांवर मेगाब्लॉक घेण्यात येणार आहे. मुलुंड-माटुंगा अप जलद मार्गावर, हार्बरवर पनवेल-वाशी; तर पश्‍चिम रेल्वेवर चर्चगेट ते मुंबई सेंट्रल या मार्गवर ब्लॉकची कामे करण्यात येणार आहेत. परिणामी या रविवारी प्रवाशांना गर्दीचा सामना करावा लागणार आहे. 

मध्य रेल्वे 

कुठे : मुलुंड-माटुंगा स्थानकादरम्यान जलद मार्गावर 

कधी : सकाळी 11.15 ते दुपारी 3.45 वाजेपर्यंत 

परिणामी : मुलुंड-माटुंगादरम्यान सर्व अप जलद लोकल अप धीम्या मार्गावर चालविण्यात येणार आहे. ब्लॉकमुळे मेल/एक्‍स्प्रेस आणि लोकल सुमारे 20 मिनिटे विलंबाने धावणार आहेत. तसेच दादर-रत्नागिरी पॅसेंजर दिवा स्थानकापर्यंत धावणार असून तिथूनच रवाना होईल. यासाठी दुपारी 3.40 वाजता दादरहून विशेष लोकल चालविण्यात येणार आहे. 

हार्बर रेल्वे 

कुठे : पनवेल ते वाशी स्थानकांदरम्यान 

कधी : सकाळी 11.30 ते दुपारी 4.00 वाजेपर्यंत 

परिणामी : बेलापूर/पनवेल - सीएसएमटी अप-डाऊन मार्ग, पनवेल-अंधेरी आणि ट्रान्स हार्बरवरील ठाणे-पनवेल मार्गावरील लोकल बंद असणार आहे. दरम्यान, सीएसएमटी-वाशी आणि ठाणे-नेरूळ विशेष लोकल चालविण्यात येणार आहे. 

पश्‍चिम रेल्वे 
कुठे : चर्चगेट ते मुंबई सेंट्रल धीम्या मार्गावर 

कधी : सकाळी 10.35 ते दुपारी 3.35 वाजेपर्यंत 

परिणामी : ब्लॉकदरम्यान चर्चगेट ते मुंबई सेंट्रल धीम्या मार्गावरील लोकल जलद मार्गावर वळविण्यात येणार आहे. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com