Mhada Lottery: अखेर म्हाडा मुंबई मंडळाकडून लॉटरीसाठी मुहूर्त ठरला

मुंबई: म्हाडा मुंबई मंडळाकडून लॉटरीसाठी दिवाळीचा मुहूर्त ठरवण्यात आला आहे. म्हाडा आता लॉटरीतील 2500 घरांऐवजी 4000 च्यावर घरांची सोडत काढण्यात येणार आहे.

गोरेगावमधील 3400 तर विखुरलेल्या 600 घरांचा लॉटरीत समावेश असणार आहे. गोरेगाव पहाडी येथे 7500 घरे बांधण्यात येत आहेत. यातील 2500 घरे येत्या काही वर्षांत पूर्ण होणार आहेत. त्यामुळे ही घरे लॉटरीत समाविष्ट करण्याचा निर्णय मुंबई मंडळाने घेतला आहे.  आता यापुढे जात गोरेगावातीलच आणखी 900 घरे लॉटरीत समाविष्ट करण्यात येणार आहेत. त्याचवेळी विखुरलेली 600 घरे मिळाली असून ही घरे ही लॉटरीत समाविष्ट करत एकूण 4000 घरांसाठी लॉटरी काढण्याचा निर्णय घेतला आहे.

मुंबई विभागातल्या ताज्या बातम्या वाचण्यासाठी येथे क्लिक करा.

याआधी जून 2019 मध्ये मुंबईतील घरांसाठी लॉटरी निघाली होती. त्यानंतर 2020 मध्ये लॉटरी निघाली नाही. दोन वर्षांनी मुंबईत लॉटरी निघणार असल्याची माहिती देण्यात आली आहे. 2007 पासून 2019 पर्यंत केवळ एक वर्षे वगळता सलग मुंबईतील घरांसाठी लॉटरी निघाली आहे. या आधी डिसेंबरमध्ये लॉटरीची गृहनिर्माण मंत्री जितेंद्र आव्हाड यांनी घोषणा केली होती.

हेही वाचा- आज प्रवेश न घेतल्यास 11वीच्या प्रवेशाला मुकावे लागणार, संध्याकाळपर्यंत अखेरची संधी

 MHADA will draw 4 thousand houses instead of 2 thousand 500 lottery Jitendra Awhad