एमएमआरडीएचा 16 हजार 909 कोटींचा अर्थसंकल्प मंजूर

मुंबई : मुंबई महानगर प्रदेश विकास प्राधिकरणाचा (एमएमआरडीए) 2019-20 या आर्थिक वर्षाचा अर्थसंकल्प प्राधिकरणाच्या बैठकीत गुरुवारी मंजूर करण्यात आला.

हा अर्थसंकल्प 16 हजार 909 कोटींचा असून महानगर प्रदेशातील दहा मेट्रो प्रकल्पांसाठी अर्थसंकल्पात 7 हजार 400 कोटींची तरतूद करण्यात आली आहे. पारबंदर प्रकल्पासाठी 3 हजार कोटी, विरार-अलिबाग बहुउद्देशीय मार्गासाठी 2 हजार 250 कोटी, डॉक्टर बाबासाहेब आंबेडकर आणि बाळासाहेब ठाकरे यांच्या स्मारकासाठी 210 कोटींची तरतूद करण्यात आली आहे.