अल्पवयीन मुलीवर माणगावात अत्याचार

माणगाव (वार्ताहर) : तालुक्‍यातील एका गावात आठ दिवसांपूर्वी अल्पवयीन मुलीवर अत्याचार झाला होता. या प्रकरणी तीन संशयितांना पोलिसांनी अटक केली होती. हे प्रकरण ताजे असतानाच पुन्हा माणगावात एका अल्पवयीन मुलीवर अत्याचाराची घटना गुरुवारी (ता. १९) उघड झाल्याने खळबळ उडाली आहे.

संशयित दीपक ऊर्फ राज राजेश शर्मा (वय २५, मूळ रा. शिकारपुरा, मध्य प्रदेश, सध्या रा. नटराज हॉटेल, स्वारगेट) याने तालुक्‍यातील या मुलीशी सोशल मीडियाच्या माध्यमातून जवळीक साधली. तो त्या मुलीला भेटण्यासाठी माणगाव येथे आला. मुलगी १९ सप्टेंबरला सकाळी ११  वाजता घरातून निघून दीपक याला भेटली. या वेळी दीपक शर्मा याने तिला लग्नाच्या भूलथापा देऊन माणगाव येथील निजामपूर रोड येथील एका लॉजमध्ये अत्याचार केला. मुलगी घरी न आल्यामुळे मुलीच्या आईने पोलिसांकडे संपर्क साधला असता मुलीच्या मोबाईल लोकेशनद्वारे लॉजवर मुलगी पोलिसांना सापडली. मुलीने घडलेला प्रसंग पोलिसांना सांगितला. याची तक्रार मुलीच्या आईने माणगाव पोलिस ठाण्याला दिली.