चर्चगेटमधील मेकर भवनला लागलेली आग आटोक्यात

मुंबई- चर्चगेट भागात असलेल्या मेकर भवनमध्ये पहाटे सव्वा चार वाजण्याच्या सुमारास लागलेली आग लागली होती. या आगीवर आता नियंत्रण मिळवण्यात अग्निशमन दलाला यश आलं आहे. 

मेकर भवन मधील पहिल्या मजल्यावर असलेल्या युनायटेड इंडिया इन्शुरन्सच्या कार्यालयात शॉक सर्किटने आग लागली होती. घटनेची माहिती मिळताच अग्निशमन दलाच्या पाच गाड्या घटना स्थळी दाखल झाल्या आणि त्यांनी काही तासातच आगीवर नियंत्रण मिळवलं आहे. 

सुदैवानं या आगीत कोणतीही जीवितहानी अथवा जखमी झाल्याचे वृत्त नाही. अग्निशमन दलासह एक रुग्णवाहिकाही घटनास्थळी दाखल झाली होती. मेकर भवन इमारतीमध्ये बँका आणि इतर महत्वाच्या कंपन्यांची कार्यालये आहेत. आगीत नेमके किती नुकसान झाले याची माहिती अद्याप समोर आली नाही.

mumbai Churchgate Maker Bhavan fire control