"वन अबोव्ह' पबच्या तिन्ही मालकांना अटक 

"वन अबोव्ह' पबच्या तिन्ही मालकांना अटक 

मुंबई - लोअर परेल येथील कमला मिल कंपाउंडमध्ये लागलेल्या आगीप्रकरणी तेथील "वन अबोव्ह' पबचे मालक क्रिपेश सिंघवी, जिगर संघवी आणि अभिषेक मानकर यांना अटक करण्यात पोलिसांना 14 दिवसांनी यश आले. त्यापैकी संघवी बंधूंना जुहू येथून अटक करण्यात आली. या तिघांचा शोध ज्या विशाल कारियामुळे लागला, त्याला 17 जानेवारीपर्यंत पोलिस कोठडीत ठेवण्याचे आदेश न्यायालयाने दिले आहेत. 

कमला मिल कंपाउंडमधील वन अबोव्ह आणि मोजोस या पबना लागलेल्या आगीत 14 जणांचा मृत्यू झाला होता. आगीचे वृत्त समजताच अभिषेक घटनास्थळी आला होता; मात्र मृतांचा आकडा वाढू लागल्यानंतर त्याने दूरध्वनी करून विशालला बोलावून घेतले होते. काही वेळाने अंधेरी येथून कमला मिल कंपाउंडमध्ये आलेल्या विशालसोबत ते वरळीतील अभिषेकच्या घरी गेले. तेव्हापासून "वन अबोव्ह' पबचे तिन्ही मालक गायब झाले होते. 

पोलिस संघवी बंधू आणि अभिषेकचा शोध घेत असल्याचे समजल्यानंतर ते तिघेही माझ्या घरी आश्रयाला आले, अशी कबुली कारियाने पोलिसांना दिली आहे. संघवी बंधू वांद्रे रिक्‍लेमेशन परिसरात येणार असल्याची माहिती पोलिसांना मिळाली होती. त्याआधारे पोलिसांनी बुधवारी रात्री त्यांना अटक केली, तर अभिषेकला करियाच्या घराजवळूनच अटक करण्यात आली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com