मुंबई - अंधेरी भूयारी मार्ग परिसरासाठी एकूण तीन ठिकाणी मिळून सहा पाणी उपसा करणारे पंप आणि फ्लड गेटची यंत्रणा उभारण्यात आली आहे त्यामुळे अंधेरीत पाणी भरणार नाही आणि पाणी भरलेच तर त्याचा तत्काळ उपसा करण्यात येईल, अशी माहिती पालिका प्रशासनाने दिली आहे.
अंधेरी परिसरातील मिलेनियम इमारत, विरा देसाई मार्ग, अंधेरी भूयारी मार्ग परिसरात ही यंत्रणा उभारली आहे. ताशी ३ हजार मीटर क्युबिकचे सहा पंप तीन ठिकाणी लावण्याचे काम पर्जन्य जलवाहिन्या विभागाने पूर्ण केले आहे. तर १ हजार मीटर क्युबिकचे २ पंप लावले आहेत. पाण्याचा उपसा करण्यासाठी ही मोठी यंत्रणा बसविण्यात आली आहे.
पालिकेचे अतिरिक्त आयुक्त सुधाकर शिंदे यांनी नुकतीच सर्ल अधिका-यांची एक बैठक घेतली. त्या बैठकीत पश्चिम उपनगरातील नागरिकांना कुठलाही त्रास होणार नाही, याची खबरदारी घेण्याच्या सूचना अधिका-यांना दिल्या आहेत.
बैठकीत पावसाळा पूर्व तयारीचा संपूर्ण आढावा घेतला. सर्व सहाय्यक आयुक्ताना पावसाळ्यात नागरिकांना कुठलीही गैरसाय होता नये या दृष्टीने सतर्क राहून, शिल्लक कामे दोन दिवसात पूर्ण करायचे आदेश दिले. तसेच पश्चिम उपनगर मधील सर्व विभाग सर्व कामाचा आढावा घेतला आणि लवकरच प्रत्येक विभागात प्रत्यक्ष येऊन आढावा घेणार असल्याचे त्यांनी सांगितले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
