मुले चोरून विक्री करणाऱ्या महिलेला अटक

मुंबई - भीक मागण्याचे नाटक करून मूल चोरणाऱ्या महिलेला निर्मलनगर पोलिसांनी सोमवारी (ता. 12) गजाआड केले असून न्यायालयाने तिला पोलिस कोठडी सुनावली आहे. झायरा गफारबेग शेख असे तिचे नाव असून पोलिस तिची कसून चौकशी करत आहेत.

खारच्या निर्मलनगर येथून एका बालिकेचे अपहरण झाले होते. तिच्या नातेवाईकांनी दिलेल्या तक्रारीवरून पोलिसांनी गुन्हा नोंद करून तपासाला सुरुवात केली. शेखने त्या बालिकेला शीव येथे राहणाऱ्या फहीम अन्सारी आणि गुलशन जहॉ हफीम शेखला साडेतीन हजार रुपयांत विकले होते. बालिकेचे अपहरण करून तिची विक्री केल्याप्रकरणी निर्मलनगर पोलिसांनी त्या दोघांना अटक केली. अटक करून त्या मुलीला तिच्या नातेवाईकांकडे सोपवले. दरम्यान, घटनास्थळाचे सीसी टीव्ही छायाचित्रण पोलिसांना मिळाले होते. शेख ही भेंडीबाजार परिसरात राहत असल्याची माहिती पोलिसांना मिळाली. तीन दिवस पोलिस तेथे सापळा लावून होते. सोमवारी (ता. 12) शेख पुन्हा बेहरामपाड्यात आल्याची माहिती पोलिसांना मिळाली. शेखही पुन्हा मूल चोरण्याच्या बेतात असतानाच तिला उपनिरीक्षक धोत्रे यांच्या पथकाने ताब्यात घेतले. पोलिस चौकशीत शेखने मूलचोरीच्या गुन्ह्याची कबुली दिली. तिने यापूर्वी किती मुले चोरली आहेत याचा पोलिस तपास करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

मुले चोरून विक्री करणाऱ्या महिलेला अटक

Related Stories