मुंबई : सेल्फी घेण्याच्या नादात आजपर्यंत अनेक जणांनी आपल्या जीवाशी खेळ केला आहे. असाच एक खेळ करत एका तरुणाने बहुमजली इमारतीवरुन खाली पडून आपला जीव गमावला आहे. हा व्हिडीओ मुंबई पोलीसांनी ट्विटरवरुन शेअर करत 'असे बेजबाबदार धाडस करु नका' हा संदेश दिला आहे.
मुंबई पोलीसांनी ट्विट केलेल्या या व्हि़डीओत दिसत आहे की, एक तरुण एका उंच इमारतीच्या गच्चीच्या टोकावर उभा आहे. तिथे उभा राहुन तो सेल्फी घेण्याचा प्रयत्न करत आहे. सेल्फी घेण्याच्या नादात त्या तरुणाचा तोल जातो आणि तो त्या बहुमजली इमारतीवरुन खाली कोसळतो.
हा व्हिडीओ नेमका कुठला आहे, हे नेमके कळू शकले नाही. पण मुंबई पोलीसांनी व्हिडीओ ट्विट करताना कॅप्शन दिले आहे की, 'हा सर्वात साहसी पध्दतीने सेल्फी घेण्याचा प्रयत्न होता? की फक्त आणखी एक बेजबाबदार धाडस? हे जे काही होते, पण नक्कीच जोखीम घेण्याच्या लायकीचे नव्हते.'
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.