Latest Mumbai News: ऐरोली सेक्टर पाचमधील खेडकर चौकातून रस्ता ओलांडून जाणाऱ्या व्यक्तीला अज्ञात वाहनाने धडक दिली. या अपघातात पादचाऱ्याचा मृत्यू झाल्याची घटना मंगळवारी (ता. २९) सायंकाळी घडली. या अपघातानंतर रबाळे पोलिसांनी अज्ञात वाहनचालकाविरोधात गुन्हा दाखल करून त्याचा शोध सुरू केला आहे.
या अपघातात मृत झालेल्या व्यक्तीचे नाव बालाजी पिराजी फुले (३९) असे असून तो ऐरोली सेक्टर चारमध्ये कुटुंबासह राहत होता. तसेच, तो पेंटिंगचे काम करत होता. मंगळवारी सायंकाळी पावणेसहा वाजण्याच्या सुमारास बालाजी फुले हा ऐरोली सेक्टर पाच येथील खेडकर चौकातून रस्ता ओलांडून सेक्टर चारच्या दिशेने जात होता.