नवी मुंबई, वाशी - दिघा येथील यादवनगरमधील राष्ट्रवादी कॉंग्रेसचे माजी नगरसेवक राम आशिष यादव याने एका तरुणीवर लैंगिक अत्याचार केल्याची घटना उघडकीस आली आहे. याप्रकरणी पोलिसांनी यादव याला अटक केली असून, न्यायालयाने त्याला बुधवारपर्यंत (ता. 10) पोलिस कोठडी सुनावली आहे.
ओळखीचा फायदा उचलत यादव याने आपल्यावर सातत्याने लैंगिक अत्याचार केल्याचा आरोप पीडितेने केला आहे. अश्लील व्हिडिओ आणि छायाचित्रे काढत ते समाजमाध्यमांवर प्रसारित करण्याचे धमकावल्याचेही पीडितेने आपल्या तक्रारीत म्हटले आहे. शनिवारी (ता. 6) रबाळे एमआयडीसी पोलिस ठाण्यात तक्रार दाखल करण्यात आली होती.
पोलिसांनी या प्रकरणाची गंभीर दखल घेत शनिवारी रात्रीच त्याला अटक केली. रविवारी (ता. 7) त्याला न्यायालयात हजर करण्यात आले होते. न्यायालयाने त्याला 10 एप्रिलपर्यंत पोलिस कोठडी ठोठावल्याची माहिती वरिष्ठ पोलिस निरीक्षक नितीन गीते यांनी दिली.
|