शाळा महाविद्यालयांचे आता नवे प्रोफाईल

शाळा महाविद्यालयांचे आता नवे प्रोफाईल

मुंबई : महाराष्ट्र राज्य माध्यमिक व उच्च माध्यमिक शिक्षण मंडळाने कारभार "हायटेक' करण्याचा निर्णय घेतला आहे. त्यासाठी मंडळाने माध्यमिक शाळा व कनिष्ठ महाविद्यालयांना नवे प्रोफाईल तयार करण्याचे आदेश दिले आहेत. 


शिक्षण मंडळाशी संलग्न शाळा आणि कनिष्ठ महाविद्यालयांची अद्ययावत माहिती उपलब्ध करताना दर वर्षी अडचणी येतात. शाळा महाविद्यालयांकडून अनेकदा जुनीच माहिती उपलब्ध करून दिली जाते. त्यामुळे हे आदेश देण्यात आले आहेत. शाळांनी सध्याची माहिती ऑनलाइन भरायच्या सूचना मंडळाने दिल्या आहेत. संपूर्ण सप्टेंबर महिन्यात हे कामकाज केले जाणार आहे. त्यासाठी समितीही स्थापन करण्यात आली असून याबाबतचे परिपत्रकही जारी केले आहे. शाळा व कनिष्ठ महाविद्यालयांनी भौगोलिक माहिती गुगल मॅपवरून द्यावी, अशी सूचनाही मंडळाने केली आहे. 


युडायस आयडी, ओटीपी, पासवर्ड यांसारख्या आधुनिक प्रणाली वापरण्यात येणार असल्याने ही माहिती कायमस्वरूपी राहणार आहे. या माहितीत अंशतः होणारे बदल लक्षात घेऊन त्या बदलाची नोंद घेण्यासाठी 020-25705205 असा दूरध्वनी संपर्क क्रमांक व srateboardonline@gmail.com हा ईमेल आयडी देण्यात आला आहे. 
1 ते 30 सप्टेंबर या काळात मंडळातर्फे दर वर्षी फेब्रुवारी व मार्च तसेच जुलै ते ऑगस्टमधील परीक्षांचे आयोजन केले जाते. त्यांची अद्ययावत माहिती कायमस्वरूपी मंडळाला प्राप्त होणार आहे. त्या संबंधित सूचनाही शिक्षण मंडळाने राज्यातील सर्व शाळांना दिले आहे. 


........ 
यासाठी होणार फायदा 
माध्यमिक शाळा व कनिष्ठ महाविद्यालयांच्या प्रोफाईलमुळे विभागीय मंडळांना पॅनल अपडेट करणे, केंद्र निश्‍चितीकरण, शाळा महाविद्यालय मान्यता, निकालाची टक्केवारी यासह अन्य मंडळांशी संबंधित कामांसाठी फायदा होणार आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com