बोईसरमधील बंडखोरीचा वाद मुख्यमंत्र्यांकडे!

देवेंद्र फडणवीस यांच्याशी चर्चा करताना विलास तरे.
देवेंद्र फडणवीस यांच्याशी चर्चा करताना विलास तरे.

मनोर ः बोईसर विधानसभा मतदारसंघात महायुतीत बंडखोरी झाली आहे. भाजपचे बंडखोर उमेदवार संतोष जनाठे यांना मतदारसंघातील प्रमुख भाजप पदाधिकाऱ्यांनी उघड पाठिंबा दिला आहे. त्यामुळे जनाठे यांच्यावर कारवाईची मागणी होताच भाजपकडून त्यांचा राजीनामा घेण्यात आला; परंतु त्यांना उघड पाठिंबा देणाऱ्या पदाधिकाऱ्यांवर कारवाई करण्यात आली नाही. दोन दिवसांपूर्वी मुख्यमंत्री देवेंद्र फडणवीस ठाण्यात आले असता आमदार विलास तरे यांनी भाजपच्या काही कार्यकर्त्यांसह त्यांची भेट घेतली. बोईसर मतदारसंघात बंडखोर उमेदवार आणि त्यांना पाठिंबा देणाऱ्या भाजप पदाधिकाऱ्यांना आवर घालावा, अशी मागणी त्यांनी केल्याची माहिती सूत्रांकडून पुढे आली आहे.

बोईसर मतदारसंघात महायुतीचा उमेदवार असताना बंडखोरी झाल्याने शिवसेनेची डोकेदुखी वाढली आहे. लोकसभा निवडणुकीत शिवसेना उमेदवाराला बोईसर विधानसभा मतदारसंघात मोठी आघाडी मिळाली होती. त्यानंतर बविआचे आमदार विलास तरेंनी शिवसेनेत प्रवेश केल्याने विधानसभा निवडणूक एकतर्फी होईल असे चित्र निर्माण झाले होते; परंतु विधानसभा निवडणुकीत भाजपमधून बंडखोरी झाल्याने शिवसेनेची कोंडी झाली आहे. संतोष जनाठे यांनी दसऱ्याला प्रचाराला सुरुवात केली होती. संघ परिवाराचे कार्यकर्ते आणि त्यांना संलग्न संघटना बोईसरमध्ये जनाठे यांच्या प्रचारात उतरल्या आहेत. त्यामुळे चर्चा मतदारसंघात रंगली आहे.

शिवसेनेची जोरदार मोर्चेबांधणी
महायुतीमध्ये बंडखोरी झाल्यामुळे शिवसेना उमेदवाराला मिळणाऱ्या मतांवर मोठा परिणाम होण्याची शक्‍यता निर्माण झाली आहे. त्यामुळे शिवसेनेकडून बंडखोर उमेदवार आणि त्यांना पाठिंबा देणाऱ्या भाजपच्या पदाधिकाऱ्यांना प्रचारापासून रोखण्यासाठी जोरदार मोर्चेबांधणी सुरू केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com