वाशीत घराचे छत कोसळले

वाशीत घराचे छत कोसळले
वाशीत घराचे छत कोसळले

मुंबई : नवी मुंबईत सिडकोनिर्मित घरांच्या छताचा भाग कोसळण्याचे सत्र सुरूच आहे. तीन दिवसांपूर्वी सीवूड्‌समधील शिवदर्शन सोसायटीमध्ये घराच्या छताचा भाग अंगावर पडून नीलेश सुर्वे या व्यक्तीचा पाय मोडल्याची घटना ताजी असताना सेक्‍टर २६ मधील शिवनेरी नगरमधील चिंतामणी सोसायटीत राहत्या घरात छताचे प्लास्टर पडल्याची घटना घडली आहे; मात्र या घरात राहणाऱ्या व्यक्तीने वेळीच प्रसंगावधान राखल्याने त्याचे आणि त्याच्या पत्नीचा जीव थोडक्‍यात बचावला.

वाशी, सेक्‍टर २६, चिंतामणी सोसायटीत बी ३६ या भगवान दिलपाक यांच्या मालकीच्या घरात बुधवारी (ता.३१) पहाटे ६ वाजता छताचा भाग पडला. मात्र या घरात राहत असलेले भाडेकरू सोमनाथ ढाकणे हे आपल्या पत्नीसह गाढ झोपेत असताना सकाळी सहा वाजता घरात छताच्या प्लास्टरचा काही भाग पडला. या आवाजाने  दाम्पत्य घराबाहेर पडले. मात्र घराबाहेर पडताच छताचे प्लास्टर संपूर्ण खाली पडले. ढाकणे यांनी प्रसंगाधान दाखवल्याने त्यांचे व त्यांच्या पत्नीचे प्राण बचावले.

सिडकोच्या बांधकामावर प्रश्नचिन्ह
सेक्‍टर २६, शिवनेरी नगरमधील सर्वच्या सर्व इमारती महापालिकेने अती धोकादायक घोषित केल्या आहेत. या इमारती राहण्यास योग्य नसल्याबाबत सर्व सोसायटी प्रवेशद्वारांवर तसे फलकही लावले होते; मात्र या इमाररती बांधून अवघी २५ ते २६ वर्षे झाली असून एवढ्या लवकर या इमारती अतिधोकदायक झाल्याने सिडकोच्या बांधकाम दर्जावर प्रश्नचिन्ह निर्माण करत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com