राहुल गांधी म्हणाले, मी दोषी नाही; न्यायालयाकडून जामीन मंजूर

Rahul Gandhi
Rahul Gandhi

मुंबई : कर्नाटकमधील पत्रकार गौरी लंकेश यांच्या हत्येनंतर राष्ट्रीय स्वयंसेवक संघाबाबत वादग्रस्त विधान केल्याचा आरोप असलेल्या मानहानीच्या दाव्यात काँग्रेसचे खासदार राहुल गांधी आज (गुरुवार) शिवडी दंडाधिकारी न्यायालयात हजर राहिल्यानंतर मी दोषी नसल्याचे न्यायालयात सांगितले. न्यायालयाने त्यांना 15 हजार रुपयांच्या जातमुचलक्यावर जामीन मंजूर केला आहे. यावेळी त्यांच्या समर्थकांनी राजीनामा मागे घेण्यासाठी घोषणा दिल्या.

वकील धृतिमान जोशी यांनी गांधी यांच्याविरोधात 2017 मध्ये तक्रार केली होती. 
गौरी लंकेश यांची दोन वर्षांपूर्वी बंगळुरातील घरी अनोळखी हल्लेखोरांनी गोळी मारून हत्या केली. त्यानंतर काही तासांत राहुल गांधी यांनी केलेल्या वक्तव्यात गौरी लंकेश यांच्या हत्येचा संबंध संघाशी जोडला होता, असा आरोप जोशी यांनी तक्रारीत केला आहे.

न्यायालयाने फेब्रुवारी गांधी यांना समन्स बजावण्याचा आदेश दिला होता. राहुल गांधी यांच्यासह काँग्रेसच्या नेत्या सोनिया गांधी, माकपचे नेते सीताराम येचुरी यांच्या विरोधातही फिर्याद करण्यात आली आहे. गांधी यांच्या विधानामुळे संघाची प्रतिमा मलीन झाली, असा दावा जोशी यांनी केला आहे. 

या प्रकरणी राहुल गांधी आज सकाळी मुंबईत दाखल झाले. त्यानंतर ते शिवडी न्यायालयात पोहचले. सीताराम येचुरीही न्यायालयात उपस्थित केले आहेत. यावेळी त्यांच्यासह काँग्रेसचे प्रमुख नेते उपस्थित होते. सुमारे अर्धा तास झालेल्या सुनावणीनंतर त्यांना जामीन मंजूर करण्यात आला. राहुल यांच्या समर्थनार्थ कार्यकर्त्यांकडून घोषणा देण्यात आला. राहुल गांधी यांनी बुधवारी अध्यक्षपदाचा राजीनामा दिला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com