मुंबई - ‘‘बाळासाहेबांच्या मृत्यूनंतर यांनी शिवसेना संपवायचा घाट घातला, कारण महाराष्ट्रात यांना कुणी जर रोखणारे असेल ती शिवसेना आहे. दुसऱ्या कुणाच्यात हिंमत नाही. शिवसेना संपत नाही म्हटल्यावर ती चोरायला निघालेत. शिवसेनेच्या जिवावर जे मोठे झाले त्यांनी शिवसेनेला आलेली फुले तोडून नेली पण माझी मूळं घट्ट आहेत, अशी टीका भाजपवर करत उद्धव ठाकरे यांनी ज्येष्ठ शिवसैनिकांना विश्वासात घेण्याचा प्रयत्न केला.
ज्येष्ठ शिवसैनिकांचा मेळावा दादर येथे पार पडला. मुंबईला महाराष्ट्रापासून तोडण्यासाठीच शिवसेना फोडल्याची टीका ठाकरेंनी यावेळी केली. ते म्हणाले, की भाजपचे लोक २०१४ पासून शिवसेना संपवायला निघाले आहेत. परंतु भाजपला खऱ्या अर्थाने हिंदुत्व शिकवले ते शिवसेनेने. १९८७ पूर्वी भाजप गांधीवादी समाजवाद सांगत होता. परंतु शिवसेनाप्रमुखांनी जेव्हा हिंदुत्वाचा नारा दिला तेव्हा भाजपलाही सोबत घेतले.
त्यापूर्वी भाजपचे केवळ दोन खासदार निवडून आले होते. हिंदुत्वाचा मक्ता काही एकट्या भाजपने घेतलेला नाही. शिवसेना शिल्लकच ठेवायची नाही हा भाजपचा अजेंडा आहे. जर हे मुळावरच आले असतील तर मी वागतोय ते चूक की बरोबर, असा सवाल त्यांनी ज्येष्ठ शिवसैनिकांना केला.
मुख्यमंत्रिपदी शिवसैनिक
भाजपने सध्या शिवसेना संपवण्याचा विडा उचलला आहे. परंतु मराठी माणसासाठी आणि हिंदुत्वासाठी काम करणारी शिवसेना संपवणे कुणालाही शक्य नाही. भाजपसोबत सत्तेमध्ये असताना कायम अवहेलना करण्यात आली. केंद्रात अवजड उद्योग खाते दिले. मुख्यमंत्रिपदावरूनही भाजपने राजकारण केले. सोबत राहिलो असतो तर आताचे अडीच वर्षे शिवसेनेचा मुख्यमंत्री झाला असता. अजूनही माझे तेच म्हणणे आहे. मी महाराष्ट्राच्या मुख्यमंत्रिपदावर शिवसैनिक बसवून दाखवेन. मी नव्हे शिवसैनिक बसवून दाखवेल, असा दावा उद्धव ठाकरे यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
