एसटीची हंगामी दरवाढ मागे 

मुंबई : एसटी महामंडळाच्या भाडेवाढ सूत्रानुसार गर्दीच्या हंगामातील महसूलवाढीच्या उद्देशाने यंदा करण्यात आलेली हंगामी दरवाढ 5 नोव्हेंबरच्या मध्यरात्रीपासून मागे घेण्यात आली आहे. 6 नोव्हेंबरपासून एसटीचे नियमित तिकीट दर आकारण्यात येत असल्याचे एसटी महामंडळाकडून कळविण्यात आले आहे.

यंदा दिवाळीच्या सुट्टीत 25 ऑक्‍टोबर ते 5 नोव्हेंबर या कालावधीत एसटीच्या साधी (परिवर्तन), निमआराम (हिरकणी) आणि शिवशाही (आसन) बस सेवेसाठी मूळ तिकिटावर सरसकट 10 टक्के दरवाढ करण्यात आली होती. या दरवाढीमुळे दररोज सुमारे 2 कोटी रुपये अतिरिक्त महसूल प्राप्त झाला आहे.

या काळात एसटीच्या सुरक्षित प्रवासाला प्राधान्य देत प्रवाशांनी केलेल्या सहकार्याबद्दल एसटी महामंडळाने प्रवाशांचे हार्दिक आभार मानले आहेत.  

web title :ST take back its seasonal hike