मुंबईत नशेसाठी वापरल्या जाणाऱ्या कफ सिरफच्या 8640 बाटल्या जप्त

मुंबई - मुंबईतील भिवंडी परिसरात आज एनसीबीकडून एक धडक कारवाई करण्यात आली आहे. मुंबई युनिटने भिवंड परिसरातून ८, ६४० नशेसाठी वापरल्या जाणाऱ्या कफ सिरफचा साठा जप्त केला आहे. एनसीबीच्या या कारवाईमुळे भिवंडी परिसरात गोंधळ पसरला आहे. अचानक इतका मोठा साठा इथे कसा मिळाला असा सवालही यामुळे उपस्थित होतं आहे. यासंदर्भातील अधिकचा तपास एनसीबीने सुरु केला आहे.

मिळालेली माहिती अशी की, मुंबईतील भिवंडी परिसरात एनसीबीच्या मुंबई युनिटने ८, ६४० नशेसाठी वापरल्या जाणाऱ्या कफ सिरफचा साठा जप्त केला आहे. याप्रकरणी NCB मुंबई युनिटने दोघांना अटक केली आहे. भिवंडीच्या आग्रा-मुंबई महामार्गावर हा साठा एका गाडीतून येणार असल्याची माहिती एनसीबीला आधी मिळाली होती. त्यानुसार एका संशयित बोलेरो पिकअपची NCB अधिकारऱ्यांनी झडती घेतली.

या संशयित वाहनातील ६० बॉक्समध्ये एकूण ८६४ किलो (८६४० बाटल्या) कोडीन आधारित कफ सिरप भरलेले आढळले आहे. जप्त केलेल्या या मालमत्तेची एकूण किंमत ३५ लाख रुपये आहे. या प्रकरणी गुन्हा दाखल केला असून एनसीबी अधिकरी या प्रकरणातील अन्य आरोपींचा शोध घेत आहे. पुढील तपास सुरु आहे. इतक्या मोठ्या कारवाईमुळे मात्र भिवंडीकर गोंधळलेल्या स्थितीत आहेत.