ठाण्यात कंटेनर पलटी, रस्त्यावर तेलच तेल...
ठाणे : ठाण्यातील घोडबंदर रस्त्यावरील पातली पाडा येथे तेलाने भरलेला कंटेनर पलटी झाल्याने रस्त्यावर तेलच तेल झाले होते. कंटेनर हटविण्यात आल्यानंतर वाहतूक पूर्ववत झाली.
जेएनपीटी येथून सिल्वासा येथे जात असलेला कंटेनर घोडबंदर रस्त्यावर पातली पाडा पूल येथे अचानक कोसळला. कंटेनर कोसळल्याने सर्व तेल रस्त्यावर सांडले होते, त्यामुळे काही काळ वाहतूक कोंडी झाली होती. या घटनेत 35 वर्षीय जितल पटेल हा कंटेनर चालक किरकोळ जखमी झाला आहे त्याचवर स्थानिक रुग्णालयात उपचार सुरू आहेत.
अपघातानंतर कंटेनर हटविण्यास अडीच ते तीन तास लागले. रस्त्यावर तेल सांडल्याने अग्निशमन दलाकडून तेल काढण्याचे काम करण्यात आले. तेल देखील साफ करण्यात आले आहे. त्यानंतर वाहतूक कोंडी फुटण्यास मदत झाली आणि वाहतूक पूर्ववत करण्यात आली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.