किरकोळ भाजीविक्रेत्यांकडून ग्राहकांची लूट

किरकोळ भाजीविक्रेत्यांकडून ग्राहकांची लूट

ठाणे - ठाणे, कल्याण, डोंबिवली, तसेच आसपासच्या शहरांना भाजीपाल्याचा पुरवठा करणाऱ्या कल्याण कृषी उत्पन्न समितीत दोन दिवसांपासून आवक कमालीची वाढल्याने भाज्यांचे दर झपाट्याने उतरले आहेत; मात्र पितृपक्षात भाज्यांना वाढती मागणी असल्याने किरकोळ विक्रेत्यांनी दर चढेच ठेवले आहेत.

मागील आठवड्यात ३४ रुपये किलो या दराने विकल्या जाणाऱ्या टोमॅटोचे दर घाऊक बाजारात १५ रुपयांपर्यंत स्थिरावले आहेत. किरकोळ बाजारात टोमॅटो महागच आहे. गुरुवारी डोंबिवलीत टोमॅटो ५० रुपये किलो, तर ठाण्यातील गोखले रोडवरील बाजारात ४० रुपये किलो दराने विकला जात होता. कोबी, भेंडी, भोपळा, फ्लॉवर, वांगी, शिराळी, तोंडली, कारले, सुरण या भाज्यांचे दर १० ते २५ रुपये किलो असे आहेत; मात्र किरकोळ बाजारात याच भाज्यांचे दर ६० ते ८० रुपये किलो आहेत. गेल्या आठवड्यात ३४ किलो दराने विकला जाणारा वाटाणा या आठवड्यात मात्र महागला आहे. घाऊक बाजारातच वाटाणा ६० रुपये असल्याने किरकोळ बाजारात तो १५० रुपये किलो दराने विकला जात आहे.

पुणे तसेच नाशिक जिल्ह्यातून बुधवारी दिवसभरात १७५ गाड्यांची आवक झाली. भाज्यांची आवक वाढल्याने त्यांच्या दरात कमालीची घसरण झाली अाहे. 
- शामकांत चौधरी, सचिव, कल्याण 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com