आदिवासीना वन हक्क नोंदणी प्रमाणपत्र वाटप

महाड, ता. २४ (बातमीदार) : तालुक्यातील १३ आदिवासींना वनहक्क नोंदणी प्रमाणपत्रांचे नुकतेच वाटप करण्यात आले. आजादी का अमृत महोत्सव आणि जागतिक वसुंधरा दिनानिमित्त २२ एप्रिलला आमदार भरत गोगावले यांच्या हस्ते नोंदणी प्रमाणपत्र वाटप करण्यात आले. रोहा उप वनसंरक्षक व महाड वन विभाग यांच्या मार्गदर्शनाखाली महाड येथे या कार्यक्रमाचे आयोजन करण्यात आले होते. कार्यक्रमाला महाड वनक्षेत्रपाल राकेश साहू हे उपस्थित होते.