महाराष्ट्र - गोवा व्यापार वृध्दी | Sakal
sakal

बोलून बातमी शोधा

महाराष्ट्र - गोवा व्यापार वृध्दी
महाराष्ट्र - गोवा व्यापार वृध्दी

महाराष्ट्र - गोवा व्यापार वृध्दी

sakal_logo
By
‘महाराष्ट्र चेंबर''सोबत सहकार्याची गोव्याच्या मुख्यमंत्र्यांची ग्वाही महाराष्ट्र-गोवा व्यापार वृद्धीसाठी महत्त्वाचे पाऊल मुंबई, ता. १ ः ‘महाराष्ट्र चेंबर ऑफ कॉमर्स, इंडस्ट्री अ‍ॅण्ड अ‍ॅग्रीकल्चर''ने दिलेल्या विविध संयुक्त उपक्रमांच्या प्रस्तांवासाठी सहकार्य करू, अशी ग्वाही गोव्याचे मुख्यमंत्री प्रमोद सावंत यांनी महाराष्ट्र चेंबरच्या पदाधिकाऱ्यांना दिली. महाराष्ट्र-गोवा व्यापारवृद्धीसाठी हे महत्त्वाचे पाऊल समजले जात आहे. गोव्याचे मुख्यमंत्री प्रमोद सावंत आज (ता. १) कोल्हापूर दौऱ्यावर आले होते. त्यावेळी ‘महाराष्ट्र चेंबर ऑफ कॉमर्स'' चे अध्यक्ष ललित गांधी यांच्या नेतृत्वाखालील व्यावसायिकांच्या शिष्टमंडळाने त्यांची भेट घेतली. त्यावेळी सावंत यांनी हे आश्वासन दिले. यावेळी महाराष्ट्र चेंबरच्या शिष्टमंडळाने ‘महाराष्ट्र'' व ‘गोवा‘ या दोन राज्यांत उद्योग-व्यापार-पर्यटन व आय.टी. क्षेत्रात सहकार्याबाबतच्या विविध योजनांचा प्रस्ताव सादर केला. महाराष्ट्र व गोवा या दोन्ही शेजारी राज्यांत सांस्कृतिक व व्यापारी, ॠणानुबंध आहे. याचा फायदा घेऊन दोन्ही राज्यांत पर्यटन आणि व्यापार-उद्योग वाढवता येईल, असे गांधी म्हणाले. आंतरराज्य व्यापार-उद्योग वृद्धीसाठी ‘महाराष्ट्र चेंबर''ने दिलेल्या विविध संयुक्त उपक्रमांच्या प्रस्तांवासाठी सहकार्य करू, अशी ग्वाही सावंत यांनी दिली. या प्रस्तावावर सर्व संबंधितांशी चर्चा करून पुढील निर्णयासाठी लवकरच ‘पणजी‘ येथे ‘महाराष्ट्र चेंबर ऑफ कॉमर्स''च्या पदाधिकाऱ्यांसमवेत संयुक्त बैठक आयोजित करण्यात येईल, असेही सावंत यांनी नमूद केले. या शिष्टमंडळात भरत गांधी, योगेश केरकर, परशुराम सातार्डेकर, दर्शन गांधी यांचा समावेश होता.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top