एलपीजी टँकर-कार अपघातात चार जखमी, मुंबई-पुणे द्रुतगतीवरील शेअरिंग वाहतुकीवर प्रश्नचिन्ह | Sakal
sakal

बोलून बातमी शोधा

एलपीजी टँकर-कार अपघातात चार जखमी, मुंबई-पुणे द्रुतगतीवरील शेअरिंग वाहतुकीवर प्रश्नचिन्ह
एलपीजी टँकर-कार अपघातात चार जखमी, मुंबई-पुणे द्रुतगतीवरील शेअरिंग वाहतुकीवर प्रश्नचिन्ह

एलपीजी टँकर-कार अपघातात चार जखमी, मुंबई-पुणे द्रुतगतीवरील शेअरिंग वाहतुकीवर प्रश्नचिन्ह

sakal_logo
By
एलपीजी टँकर-कार अपघातात चार जखमी मुंबई-पुणे द्रुतगती मार्गावरील शेअरिंग वाहतुकीवर प्रश्नचिन्ह सकाळ वृत्तसेवा मुंबई, ता. २ : मुंबई-पुणे द्रुतगती मार्गावर माडप बोगदा परिसरात एलपीजी वाहून नेणाऱ्या टँकरला खासगी वाहनांतून शेअरिंग प्रवासी वाहतूक करणाऱ्या कारची धडक बसली. रविवारी दुपारी २ च्या सुमारास हा अपघात झाला. यात ट्रकचालकासह कारमधील चार प्रवासी गंभीर जखमी झाले आहेत. वाशी, खारघर, पनवेल आणि मुंबईहून पुण्यासाठी खासगी वाहनांमधून सर्रास शेअरिंग प्रवासी वाहतूक केली जात आहे. याकडे प्रादेशिक परिवहन अधिकारी कार्यालय आणि वाहतूक पोलिसांचे दुर्लक्ष होत असल्याने मुंबई-पुणे द्रुतगती महामार्गावर अपघातांची संख्या वाढली आहे. सध्या एसटीची अंशतः प्रवासी वाहतूक सुरू आहे. संपामुळे राज्य सरकारने खासगी वाहनाला स्टेट कॅरेजचा दर्जा दिला आहे. मात्र, त्यामध्ये ज्या वाहनांमधून प्रवासी वाहतूक केली जाते, त्यांना तपासण्याचे काम केले नाही. त्यामुळे एसटीच्या संपापूर्वीपासूनच मुंबई-पुणे ते पुणे-मुंबई मार्गावर सर्रास खासगी वाहनांमधून प्रवाशांची वाहतूक केली जाते. त्यात वेळेची बचत करण्यासाठी वाहन चालक बेदरकारपणे वाहने चालवतात. मात्र, यावर कारवाई होत नसल्याने मुंबई-पुणे द्रुतगती महामार्गावर अपघातांची संख्या वाढली आहे. रविवारी झालेल्या या अपघातामध्ये खासगी वाहनातील प्रवासी शेअरिंगने पुण्याला जात असतांना ही घटना घडली. टँकरला जोरदार धडक दिल्याने खासगी वाहन टँकरच्या आतमध्ये घुसले. या घटनेची माहिती मिळताच महामार्ग पोलिस, आयआरबी पेट्रोलिंग, देवदूत यंत्रणा, लोकमान्य हॉस्पिटलची यंत्रणा, डेल्टा फोर्सचे जवान, सामाजिक संस्थेचे सदस्य आणि खालापूर पोलिस ठाण्याचे कर्मचारी अपघातग्रस्तांच्या मदतीसाठी दाखल झाले. जखमींना उपचारासाठी तातडीने एमजीएम हॉस्पिटल, कामोठे येथे दाखल करण्यात आल्याचे मृत्युंजय दूत गुरुनाथ साठेलकर यांनी सांगितले.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top