ओमकार मार्शल आर्ट्स अकॅडमीच्या खेळाडूंची राष्ट्रीय किकबॉक्सिंग स्पर्धेत एकूण ९ सुवर्ण, ९ रौप्य आणि ६ कांस्य पदके मिळवून बाजी

किक बॉक्सिंग स्पर्धेत मुंबईकरांना २४ पदके शिवडी, ता. ३ (बातमीदार) ः पुणे येथे रविवारी (ता. २) पार पडलेल्या राष्ट्रीय किक बॉक्सिंग स्पर्धेत भांडुप पूर्वमधील ओमकार मार्शल आर्ट्स अकॅडमीच्या खेळाडूंनी ९ सुवर्ण, ९ रौप्य आणि ६ कांस्य पदके पटकावण्याची कामगिरी बजावली. या स्पर्धेत २६ राज्यांतील खेळाडूंनी सहभाग घेतला होता. स्पर्धेमध्ये अंशुल फडके याने २ सुवर्ण व १ रौप्य, गौरी बोडके हिने २ सुवर्ण, आयुषी नारखेडे २ सुवर्ण, श्रुती परब १ सुवर्ण, श्रावणी पाटणकर १ सुवर्ण, अविनाश चौगुले १ सुवर्ण पदक जिंकले; तर सानिया बंगेरा २ रौप्य, दिशा पाटील २ रौप्य, सानवी देसाई १ रौप्य, १ कांस्य, मैत्री पाटील १ रौप्य, १ कांस्य, राज तेली १ रौप्य आणि १ कांस्य, हृधान सावंत १ रौप्य, वेधा मोरे २ कांस्य, सोहम परब १ कांस्य, ऋतिक कदम आदींनी पदकांची कमाई केली. ओमकार शिवणकर यांनी पदक विजेत्य खेळाडूंना प्रशिक्षण दिले.