रिलायन्स रिटेलची डंझोमध्ये २४ कोटी डॉलर ची गुंतवणूक | Sakal
sakal

बोलून बातमी शोधा

रिलायन्स रिटेलची डंझोमध्ये २४ कोटी डॉलर ची गुंतवणूक
रिलायन्स रिटेलची डंझोमध्ये २४ कोटी डॉलर ची गुंतवणूक

रिलायन्स रिटेलची डंझोमध्ये २४ कोटी डॉलर ची गुंतवणूक

sakal_logo
By
रिलायन्स रिटेलची डंझोमध्ये २४ कोटी डॉलरची गुंतवणूक मुंबई, ता. ६ ः वेगवेगळ्या वस्तू ग्राहकांच्या घरी पोहोचविणाऱ्या डंझो या स्टार्टअपमध्ये २४ कोटी डॉलरची गुंतवणूक केल्याचे रिलायन्स रिटेलतर्फे आज जाहीर करण्यात आले. यामुळे रिलायन्स रिटेलला या कंपनीत २५.८ टक्के वाटा मिळेल. रिलायन्सला या खरेदीमुळे साहित्याची वेगवान डिलीव्हरी करण्याच्या क्षेत्रात प्रवेश मिळेल. त्यानुसार आता डंझो कंपनीचे एकूण मूल्यांकन ८० कोटी डॉलरच्या आसपास होईल. कबीर बिस्वास यांनी सन २०१६ मध्ये स्थापन केलेल्या कंपनीने आतापर्यंत १४ कोटी डॉलर उभे केले आहेत; तर या सहकार्यामुळे डंझोला ब्लिंकइट (आधीचे ग्रोफर्स), झेप्टो, स्वीगीचे इन्स्टामार्ट व बिगबास्केट या सुपरमार्केटबरोबर स्पर्धा करता येईल. आता डंझो आपल्या नेहमीच्या वस्तूंप्रमाणे वाणसामान व अन्य जीवनावश्यक वस्तूंचा पुरवठा आपल्या ग्राहकांना करू शकेल. यापूर्वी ब्लूम व्हेंचर्स, गुगल, लाईटबॉक्स व्हेंचर्स यांनीही डंझोमध्ये गुंतवणूक केली आहे. आम्ही सुरुवातीपासूनच ग्राहकांना सर्वोत्तम सेवा देण्याचा प्रयत्न केला. आता झालेली ही गुंतवणूक म्हणजे आमच्या या सेवेला मिळालेली पावती आहे, असे बिस्वास यांनी सांगितले. यामुळे आमचाही रिटेल क्षेत्रात प्रवेश होईल व आमचा विकास होईल, असेही ते म्हणाले. सध्या ब्लिंकइट व झेप्टोतर्फे दहा मिनिटांत साहित्य घरपोच दिले जाईल, अशी जाहिरात केली जाते; तर डंझोतर्फे १९ मिनिटांत सामान पोहोचवले जाते. स्वीगी, टाटासोबतही चर्चा रिलायन्सला आता वाणसामान पोहोचवण्यासाठी जिओ मार्टच्या सेवेबरोबरच डंझोची सेवादेखील मिळेल. मागील वर्षी रिलायन्सने दूध घरपोच देणारी मिल्क बास्केटची सेवा ताब्यात घेतली होती. डंझोमध्ये गुंतवणूक करण्यासाठी झोमॅटो, स्वीगी व टाटा ग्रुपबरोबरही चर्चा झाली होती, मात्र ती यशस्वी झाली नाही.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top