२७० ज्येष्ठांनी करून घेतली मधुमेह, रक्तगट तपासणी

२७० ज्येष्ठांनी करून घेतली मधुमेह, रक्तगट तपासणी घाटकोपर, ता. ९ (बातमीदार) ः घाटकोपर पश्चिमेला भंडारी समाज मंडळ आणि आशीर्वाद पॅथोलॉजी लॅबोरेटरी यांच्या संयुक्त विद्यमाने मोफत मधुमेह व रक्तगट तपासणी शिबिराचे आज आयोजित करण्यात आले होते. राजेंद्र पवार, विनया पवार यांच्या मार्गदर्शनाखाली वैभव आवटे पाटील यांनी हे शिबिर आयोजित केले होते. या शिबिरात विभागातील २७० हून अधिक ज्येष्ठ नागरिकांनी मधुमेह व रक्तगट तपासणी केली. शिबिराला सकाळपासून ज्येष्ठ नागरिकांनी उपस्थिती लावत प्रतिसाद दिला. तिसरी लाट तीव्र असल्याने आपल्याला कोणता आजार तर नाही ना, हे पाहण्यासाठी आम्ही आमची तपासणी करण्यासाठी आलो असल्याचे शंकर गायकवाड यांनी सांगितले. हे शिबिर संगम सोसायटी भटवाडी येथे भरवण्यात आले. यावेळी मंडळाचे अध्यक्ष मोतीराम मुणगेकर, कृष्णा कांबळी, सुनील चिपकर आदी उपस्थित होते. ...