मुंबई : हवाई सुंदरी पत्नीला SMS द्वारे तलाक, पतीला HC कडून जामीन | triple talaq case | Sakal
sakal

बोलून बातमी शोधा

sms
‘एसएमएस’द्वारे तलाक देणाऱ्या पतीला न्यायालयाकडून जामीन

मुंबई : हवाई सुंदरी पत्नीला SMS द्वारे तलाक, पतीला HC कडून जामीन

sakal_logo
By

‘एसएमएस’द्वारे तलाक देणाऱ्या पतीला न्यायालयाकडून जामीन

मुंबई : पत्नीला मोबाईलवर एसएमएसद्वारे तोंडी तलाक (Triple Talaq) देणाऱ्या पतीला मुंबई उच्च न्यायालयाने (Mumbai high court) जामीन मंजूर केला आहे. पत्नीने पतीविरोधात गतवर्षी जून महिन्यात कौटुंबिक हिंसाचाराची फिर्याद महानगर दंडाधिकारी न्यायालयात केली होती, तर पतीने घटस्फोट मिळण्यासाठी कारवाई सुरू केली आहे. याबाबत कनिष्ठ न्यायालयाने पत्नीला नोटीस बजावली असून तिने दंडाधिकारी न्यायालयात पोटगी मिळण्यासाठी अर्जदेखील केला आहे. (Mumbai high court granted bail to a person who had given divorce to his wife through sms)

हेही वाचा: Wife swapping case : प्रेमविवाह केला, पण पतीने दिला दगा! महिलेने मांडली व्यथा

या पार्श्वभूमीवर पतीने आपल्याला ‘एसएमएस’द्वारे मेसेज करून तलाक दिल्याचा आरोप पत्नीने केला आहे. या प्रकरणी पत्नीने पोलिस ठाण्यात फिर्याद दाखल केली. त्यामुळे अटकेच्या शक्यतेमुळे पतीने जामिनासाठी अर्ज केला आहे. या प्रकरणी पतीचा कोठडीसाठी ताबा मिळवण्याची आवश्यकता नाही, असे नमूद करून न्यायालयाने पतीला जामीन मंजूर केला.

हेही वाचा: शारीरिक संबंधासाठी स्वतःच्याच पत्नीवर बोली, टेलिग्राम-मेसेंजरचा वापर

हवाई सुंदरी म्हणून काम करणाऱ्या पत्नीने निकाहानंतर सासू सासऱ्यांसाठी नोकरी सोडली; मात्र माहेराहून पैसे आणण्यासाठी सासू-सासरे दबाव आणतात, असा दावा तिने केला. मे २०२१ मध्ये पेस्ट कंट्रोल करण्याच्या कारणावरून तिला आणि तिच्या मुलाला माहेरी पाठविण्यात आले. त्यानंतर तिला पुन्हा सासरी येण्यास नकार दिला, असे तिच्यावतीने सांगण्यात आले; मात्र पतीकडून त्याचे खंडन करण्यात आले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top