भाजप डॉक्टर सेलच्या पदाधिकाऱ्यांची घोषणा

भाजप डॉक्टर सेलच्या पदाधिकाऱ्यांची घोषणा मुंबई, ता. ३१ : भारतीय जनता पक्षाचे मुंबई अध्यक्ष आमदार मंगल प्रभात लोढा यांच्या नेतृत्वाखाली दादर पूर्व येथील वसंत स्मृती भाजप कार्यालयात शुक्रवारी (ता. २८) भाजप डॉक्टर सेलच्या कार्यक्रमात भाजप मुंबई वैद्यकीय आघाडीच्या ४० नव्या पदाधिकाऱ्यांची घोषणा करण्यात आली. भाजप मुंबई वैद्यकीय आघाडीच्या संयोजक डॉ. स्मिता रणजित काळे-बंडगर यांच्या माध्यमातून आयोजित करण्यात आलेल्या या कार्यक्रमामध्ये लोढा यांच्याकडे आरोग्य क्षेत्रातील विविध प्रश्न असलेले निवेदन देण्यात आले. भाजप मुंबई अध्यक्ष मंगल प्रभात लोढा व मुंबई सचिव, ओबीसी मोर्चा राष्ट्रीय सचिव, आघाडी प्रमुख प्रतीक कर्पे यांच्या प्रमुख उपस्थितीत मुंबईतील विविध विभागांतील २०० डॉक्टरांनी भाजपच्या मुंबई डॉक्टर सेलमध्ये प्रवेश केला. याव्यतिरिक्त अनेक डॉक्टर लवकरच भाजप परिवारामध्ये सामील होण्याच्या मार्गावर असल्याचे डॉ. स्मिता काळे बंडगर यांनी सांगितले. मान्यवरांनी पदाधिकाऱ्यांना मार्गदर्शन करत पुढील वाटचालीसाठी शुभेच्छा दिल्या. ...