घर जळून खाक

पोलादपूर, ता.२४ (बातमीदार) : तालुक्यातील कामथे येथे घराला आग लागून संपूर्ण घर जळून खाक झाल्याची घटना घडली. यामध्ये कोणतीही जीवितहानी झाली नसली तरी संपूर्ण घर जळाले आहे. मागील काही दिवसांपासून पोलादपूर तालुक्यात वणवा लागण्याचे व आग लागण्याचे सत्र वाढत चालले आहे. कामथे येथील रहिवासी मारुती चिकणे यांच्या बंद करायला आग लागण्याची घटना बुधवारी रात्रीच्या सुमारास घडली आहे. मात्र मारुती चिकणे हे परिवारासमवेत मुंबई येथे लग्नाला गेले असल्यामुळे घरामध्ये कोणीच नव्हते. त्यामुळे बंद घर असल्यामुळे सुदैवाने कोणतीही जीवितहानी झाली नाही. सदर घटना शॉर्टसर्किटमुळे लागल्याचा प्राथमिक अंदाज व्यक्त केला जात आहे.