महिला ट्रॅफिक पोलिसांना सॅनिटरी नॅपकिनचे वाटप

ठाणे (बातमीदार) : ठाणे शहरात मंगळवारी महिला ट्रॅफिक पोलिसांसोबत महिला दिन साजरा करण्यात आला. या कार्यक्रमाला उपस्थित २५ महिला पोलिस कर्मचाऱ्यांना तज्ज्ञ मंडळींकडून मासिक पाळीविषयी मार्गदर्शन करण्यात आले असून महिलांना सेंद्रिय सॅनिटरी नॅपकिनचे वाटप करण्यात आले. ठाण्यातील तीन हात नाकाजवळील वाहतूक पोलिस शाखेत महिला दिनानिमित्त हा कार्यक्रम पार पडला. या वेळी एसीपी कवयित्री गाविद आणि पीआय चेतना चौधरी या महिला पोलिस अधिकाऱ्यांची कार्यक्रमाला प्रमुख उपस्थितीत होती. कार्यक्रमादरम्यान महिला पोलिसांना सावी ग्रुपकडून मोफत सॅनिटरी नॅपकिनचे वाटप करण्यात आले.
प्रुडेंट कनेक्टचे गणेश सांगळे, नेक्स्टजेन इंडिया इंटरप्रायजेस कंपनीचे दीपक पाटकर आणि स्वप्नील पवार यांनी महिलांना मार्गदर्शन केले.